Jona 1:3 - Siswati 1996 Bible

³ Kepha Jona wesuka wacondza eThashishi. Wehlela eJopha, lapho afike wakhokha imali yekwekhwela, wagibela umkhumbi, waya eThashishi, abalekela Simakadze.

Jona 1:3 Referencias Cruzadas

Genesisi 3:8

Ekupholeni kwelilanga beva Nkulunkulu Simakadze ahambahamba ensimini; bo-Adamu nemkakhe bambhacela Nkulunkulu Simakadze emkhatsini wetihlahla tensimi.

Genesisi 4:16

Khayini wase uyesuka ebukhoneni baSimakadze wayawuhlala eveni laseNodi, ngasemphumalanga yase-Edeni.

1 Emakhosi 19:3

Elija wesaba wabalekela kusindzisa imphilo yakhe. Watsi kube efike eBherisheba kulakaJuda, wayishiya lapho inceku yakhe,

1 Emakhosi 19:9

Wefika lapho wangena emgedzeni, walala khona kulobo busuku. Livi laSimakadze lefika kuye, latsi: “Wentani lapha Elija?”

2 Tikhronike 2:15

“Manje-ke inkhosi yami ayitfumelele tisebenti tayo loko leyayikwetsembisile: kolo, nebhali, nemafutsa emncumo, neliwayini.

2 Tikhronike 2:16

Tsine sitatigawula tonkhe tingodvo lotifunako taseLebanoni, bese sitintantisa ngeminyaba yato lapha elwandle tiye eJopha. Nine-ke nitabe senitenyula lapho nitimikise eJerusalema.”

2 Tikhronike 9:21

Inkhosi yayinemikhumbi leminyenti yekuhweba elwandle; lemikhumbi yayinemadvodza akaHiramu. Kanye ngeminyaka lemitsatfu yayibuya yetfwele igolide, nesiliva, nematinyo etindlovu, netinkawu kanye netimfene.

Ezra 3:7

Base bakhipha imali bayinika bakhi nebabati, bapha bantfu baseSidoni naseThire kudla, nesinatfo kanye nemafutsa; babentela kutsi khona batekubaletsela tingodvo temisedari ngelwandle, kusuka eLebanoni kuye eJopha, njengobe bekusho Khuresi, inkhosi yasePheresiya.

Jobe 1:12

Simakadze wakhuluma kuSathane, watsi: “Kulungile, konkhe lanako kusetandleni takho, kodvwa ungasibeki sandla sakho emtimbeni wakhe.” Ngako Sathane wahamba, wesuka kuSimakadze.

Jobe 2:7

Ngako Sathane wesuka embikwaSimakadze, wesukela Jobe, wamhlasela ngematfumba labutfukako, kusukela ngaphansi kwelunyawo lwakhe kuze kuyewufika etulu elunweleni lwakhe.

Tihlabelelo 107:23

Labanye babehla benyuka ngemikhumbi elwandle, babephila ngekuhweba.

Isaya 2:16

lilanga lelimiselwe yonkhe imikhumbi yekuhweba, libekelwe yonkhe imikhumbi lemikhulu letfwele imicebo nemagugu.

Isaya 23:1

Leli livi lesembulo lelimacondzana neThire lelitsi: Lilani, nine mikhumbi yaseThashishi, ngobe iThire seyibhujisiwe, yasala ite indlu nome sikhumulo. Nivile ngalombiko ngesikhatsi nibuya eSiphrosi.

Isaya 23:10

Limani live lenu, nine baseThashishi, njengabaseNayili. Sikhumulo singeke siphindze sibe yindzawo yekutsenga nekutsengisa.

Isaya 23:6

Yewelani, niye eThashishi, lilani, nine sive sasesichingini.

Isaya 60:9

Nayi imikhumbi yetichingi icondza kimi, kuhamba embili imikhumbi yaseThashishi, iletse emadvodzana akho laphuma khashane labuya nesiliva negolide yawo, atewudvumisa Simakadze Nkulunkulu wakho, longuLongcwele waka-Israyeli, ngobe ukwetfwese inkhatimulo.

Jeremiya 10:9

Isiliva legcotjiwe iyaletfwa isuka eThashishi, negolide legcotjiwe isuka e-Ufazi. Loko lokubatwe ngumbati nangumbumbi wetegolide, kubese kwembatsiswa letiluhlata njengesibhakabhaka naletibukhwebeletane, konkhe kwakhiwe tingcweti.

Hezekeli 2:8

Kodvwa wena, ndvodzana yemuntfu, lalela loko lengikushoko kuwe. Ungahlubuki njengalendlu lehlubukako; vula umlomo wakho udle loko lengikunika kona.”

Hezekeli 27:12

“ ‘IThashishi yatsengiselana nawe ngenca yebunyenti bebunjinga bakho betimphahla; babeshintjiselana nawe ngesiliva, nangensimbi, nangemfimfi, nangemtfofu, ngetimphahla takho.

Hezekeli 3:14

Moya wangiphakamisela etulu wangisusa, ngahamba ngibuhlungu, umoya wami umunyu; ngobe sandla lesimatima saSimakadze sasisetikwami.

Jona 1:10

Lamadvodza esaba kakhulukati, adzimate atsi kuye: “Yini-ke lena lose uyentile?” Phela lamadvodza abesati kutsi ubalekela Nkulunkulu, ngobe Jona abesawatjelile.

Jona 4:2

Wathandaza kuSimakadze watsi: “Awu, Simakadze! Akusiko yini loku lengakusho ngiseseveni lakitsi kutsi kutakwenteka? Ngiko ngabaleka ngaya eThashishi; ngobe ngangati kutsi wena unguNkulunkulu lonemusa nesihawu, uyephuta kutfukutsela, unelutsandvo loluphuphumako, uyatisola ngekutfumela lokubi.

Lukha 9:62

Jesu watsi kuye: “Wonkhe lobambe likhuba alima bese ubuka emuva, akawufaneli umbuso waNkulunkulu.”

Imisebenti yebaPhostoli 15:38

kepha Pawula akakubonanga kulungile kumtsatsa, ngobe akachubekanga nabo emsebentini wabo wonkhe, kepha abebuyele emuva wabashiya ePhamfiliya.

Imisebenti yebaPhostoli 26:19

“Ngako-ke, Nkhosi Agripha, angitsandzanga kungawulaleli lombono wasezulwini,

Imisebenti yebaPhostoli 9:36

EJopha kwakunemfati labelikholwa anguThabitha. Libito lakhe ngesiGriki kwakunguDokhasi, (lokusho kutsi “inyamatane”), abecitsa sonkhe sikhatsi sakhe ngekwenta lokuhle ngekusita timphuya.

Imisebenti yebaPhostoli 9:38

IJopha yayisedvute naseLida, kwatsi bafundzi nabeva kutsi Phetro abeseLida, batfumela emadvodza lamabili nemlayeto lotsi: “Sicela unonophe ute lapha kitsi.”

Imisebenti yebaPhostoli 9:42

Lendzaba yasakateka neJopha yonkhe, bantfu labanyenti bakholwa eNkhosini.

Imisebenti yebaPhostoli 9:43

Phetro wahlala eJopha emalanga lamanyenti nemshuki wetikhumba labenguSimoni.

1 kubaseKorinthe 9:16

Nangishumayela liVangeli, angikafaneli kutigabatisa, ngobe vele ngimelwe kulishumayela. Kodvwa maye kimi, nangingalishumayeli liVangeli!

2 kubaseThesalonika 1:9

Bayawujeziswa ngekubhujiswa kwaphakadze balunyulwe ebukhoneni beNkhosi nasenkhatimulweni yemandla ayo.

Joshuwa 19:46

neMe Jakhoni, neRakhoni, kanye nalendzawo lebhekene neJopha.