Jona 1:12 - Siswati 1996 Bible

¹² Jona wabaphendvula watsi: “Ngitsatseni ningijikijele elwandle, sitawube sesiyabindza lesivunguvungu; ngobe vele ngiyati kutsi ngimi lona lonidvonsele lomkhokha wesivunguvungu.”

Jona 1:12 Referencias Cruzadas

2 Samuweli 24:17

Davide watsi nakabona lengilosi leyayigawula labantfu, wakhuluma kuSimakadze watsi: “Ngimi lowonile, ngenta lokubi. Kodvwa laba batimvu nje. Bona-ke boneni? Sandla sakho asehlele etikwami ngedvwa kanye nasetikwendlu yami, kuphela.”

1 Tikhronike 21:17

Davide watsi kuNkulunkulu: “Akusimi yini lengatsi akubalwe emadvodza emphi? Ngimi lengonile ngenta lokubi. Kodvwa laba batimvu nje. Bona-ke boneni? Awu Simakadze, Nkulunkulu wami! Sandla sakho asimane sehlele etikwami ngedvwa kanye nasetikwendlu yami kuphela, kodvwa ungasiyekeli lesifo sehlele esiveni sakho.”

Jobe 35:8

Bubi bakho buhlupha umuntfu lonjengawe, nekulunga kwakho kutsintsana nebantfu bemhlaba.

Umshumayeli 9:18

Kuhlakanipha kuncono kunetikhali temphi, kodvwa soni lesisodvwa sibhubhisa lokuhle lokukhulu, lokwentiwe kahle.

Jona 1:11

Sivunguvungu sachubeka sahhusha ngemandla, aze lamatilosi atsi: “Sitakwenta njani-ke ngawe, kuze lesivunguvungu sibindze?”

Jona 1:13

Esikhundleni saloko, lamatilosi etama kuwugwedla ngemandla awo onkhe lomkhumbi kutsi ubuyele elugwini, kodvwa ehluleka, ngobe lwandle lwachubeka lwahhusha kakhulu kunakucala.

Johane 11:50

Aniboni kutsi kunilungele kutsi kufe munye umuntfu, afele bantfu, kuze kutsi kungabhubhi sive sonkhe.”

Imisebenti yebaPhostoli 27:24

yatsi: ‘Ungesabi, Pawula, ufanele ume embikwaKhesari; Nkulunkulu ukunikile bonkhe laba lohamba nabo.’

Joshuwa 7:12

Nguko nje baka-Israyeli bangeke bakhone kumelana netitsa tabo; bayafulatsela babaleke, ngobe vele bona sebacalekisiwe. Angisayikuphindza ngibe nani, ngaphandle kwekutsi nibulale konkhe lokusemkhatsini wenu lokunikelwe ekubhujisweni.