Johane 9:35 - Siswati 1996 Bible

³⁵ Jesu weva kutsi bayincumile. Wahlangana nayo watsi kuyo: “Uyakholwa yini eNdvodzaneni yeMuntfu?”

Johane 9:35 Referencias Cruzadas

Tihlabelelo 2:12

Khotsamani etinyaweni tendvodzana, ingadzimate initfukutselele, nifele endleleni, ngobe lulaka lwayo luvutsa masinyane. Babusisiwe bonkhe lababalekela kuyo.

Tihlabelelo 2:7

Angimemetele umyalo lowashiwo nguSimakadze kimi, nakatsi: “Wena uyindvodzana yami, lamuhla ngikutele.

Tihlabelelo 27:10

Nome bobabe namake bangilahlile, kodvwa wena, Simakadze, utangemukela ungigcine.

Matewu 14:33

Labo labebasesikebheni bamkhotsamela batsi: “Ngempela wena uyiNdvodzana yaNkulunkulu!”

Matewu 16:16

Simoni Phetro waphendvula watsi: “UnguKhristu, iNdvodzana yaNkulunkulu lophilako.”

Matewu 4:3

Umlingi wase uyefika kuye utsi: “NawuyiNdvodzana yaNkulunkulu, tjela nankha ematje agucuke abe tinkhwa!”

Makho 1:1

LiVangeli ngaJesu Khristu, iNdvodzana yaNkulunkulu, licala kanje:

Johane 1:18

Kute lowase wabona Nkulunkulu, ngaphandle kweNdvodzana letelwe yodvwa lenguNkulunkulu, lesesifubeni seYise, ngiyo lembonakalisile.

Johane 1:34

Mine ngimbonile, ngingufakazi wekutsi: ‘Lona yiNdvodzana yaNkulunkulu.’ ”

Johane 10:36

Mine ngingulowehlukaniselwe Babe, ngitfunywe nguye emhlabeni. Ningigwebelani ngekuhlambalata ngobe ngitsite: ‘NgiyiNdvodzana yaNkulunkulu’?

Johane 11:27

Waphendvula watsi: “Yebo, Nkhosi, ngiyakholwa kutsi wena unguKhristu, iNdvodzana yaNkulunkulu, labetakuta emhlabeni.”

Johane 20:28

Tomase waphendvula watsi: “Nkhosi yami, Nkulunkulu wami!”

Johane 20:31

Leti tibhalelwe kutsi nitewukholwa kutsi Jesu unguKhristu, iNdvodzana yaNkulunkulu, nekutsi ngekukholwa kwenu nibe nekuphila ngelibito lakhe.

Johane 3:36

Lokholwa yiNdvodzana, unekuphila lokuphakadze; kodvwa longakholwa yiNdvodzana, ute kuphila lokuphakadze; kodvwa lulaka lwaNkulunkulu lulengela etikwakhe.”

Johane 5:14

Ngemvakwaloko, Jesu wahlangana nayo seyisethempelini watsi kuyo: “Uyabona kambe kutsi sewuphilile? Ungaphindzi-ke wone, funa wehlelwe ngulokukhulu kakhulu kunaloku.”

Johane 6:69

Nyalo sesiyati, futsi siyakholwa, kutsi wena unguLongcwele waNkulunkulu.”

Johane 9:22

Batali bakhe bakusho loko ngobe bebesaba emaJuda. Phela abesavumelene ngekutsi lotawufakaza kutsi Jesu unguKhristu, abeyawuncunywa esinagogeni.

Johane 9:34

Bayiphendvula batsi: “Wena watalelwa esonweni; wena futsi sewufundzisa tsine?” Base bayincuma esinagogeni labo.

Imisebenti yebaPhostoli 8:36

Basachubeka nendlela yabo befika lapho kunemanti khona siphatsimandla satsi: “Ingani nankha emanti, kwalani kutsi ngibhajatiswe?” [

Imisebenti yebaPhostoli 8:37

Filiphu watsi kuso: “Nawukholwa ngenhlitiyo yakho yonkhe, kungentiwa.” Saphendvula satsi: “Ngiyakholwa kutsi Jesu Khristu yiNdvodzana yaNkulunkulu.”]

Imisebenti yebaPhostoli 9:20

Masinyane wacala kushumayela emasinagogeni ngaJesu atsi: “UyiNdvodzana yaNkulunkulu.”

KubaseRoma 1:4

ngebungcwele bakhe basezulwini kwakhonjiswa ngemandla lamakhulu kutsi uyiNdvodzana yaNkulunkulu ngekutsi avuswe ekufeni.

KubaseRoma 10:20

Na-Isaya waba nesibindzi nakamemetela livi laNkulunkulu atsi: “Ngatfolwa ngulabo lababengakangifuni, ngatibonakalisa kulabo lababengakangiceli.”

1 yaJohane 4:15

Lowo lovuma kutsi Jesu uyiNdvodzana yaNkulunkulu, Nkulunkulu uhlala kuye, naye uhlala kuNkulunkulu.

1 yaJohane 5:10

Nome ngubani lokholwa yiNdvodzana yaNkulunkulu, unebufakazi kuye; kodvwa umuntfu longakholwa kuNkulunkulu, umente localemanga, ngobe angakholwa ebufakazini lobubekwe nguNkulunkulu ngeNdvodzana yakhe.

1 yaJohane 5:13

Nginibhalela loku nine, lenikholwa egameni leNdvodzana yaNkulunkulu, kuze nati kutsi ninekuphila lokuphakadze.

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.

1 yaJohane 5:5

Ngubani umuntfu longancoba live ngaphandle kwalowo lokholwa kutsi Jesu uyiNdvodzana yaNkulunkulu?

3 yaJohane 1:10

Ngako-ke nangifika lapho, ngiyawuvumbulula konkhe lokubi lakwente kitsi ngemavi lamabi, asihleba. Kodvwa loko akumenelisi, ngobe ujinge angabemukeli bazalwane; nalabo labafuna kubemukela, uyabavimbela abancume nasebandleni.