Johane 8:54 - Siswati 1996 Bible

⁵⁴ Jesu wabaphendvula watsi: “Nangitidvumisa mine, ludvumo lwami lulite. NguBabe longidvumisako, lona lenitsi nani unguNkulunkulu wenu.

Johane 8:54 Referencias Cruzadas

Taga 25:27

Bubi bekuhalela ludvumo bufanana nekudla kakhulu luju.

Isaya 66:5

Vanini livi laSimakadze, nine lenitfutfumeliswa livi lakhe, utsi: “Bomnakenu labanitondzako banikhiphe inyumbazana ngenca yeLibito lami, batsite: ‘Akadvunyiswe Simakadze, kuze sitewubona injabulo yenu!’ Noko bayawutseleka ngelihlazo.

Hoseya 1:9

Simakadze wase utsi: “Lendvodzana yetse libito utsi nguLo Ami, ngobe anisiso sive sami, nami futsi angisiye Nkulunkulu wenu.”

Johane 17:1

Jesu watsi kube acedze kukhuluma lamavi, wabheka etulu watsi: “Babe, sikhatsi sesifikile. Khatimulisa iNdvodzana yakho, kuze iNdvodzana itekukhatimulisa.

Johane 17:5

Manje-ke, Babe, ngikhatimulise kuwe ngaleyo nkhatimulo lenganginayo ngisenawe, umhlaba ungakasekelwa.

Johane 2:11

Jesu wenta lesibonakaliso sakhe sekucala eKhana laseGalile, wabonakalisa bukhosi bakhe, bafundzi bakhe bakholwa nguye.

Johane 5:41

“Mine angilwemukeli ludvumo kubantfu.

Johane 7:18

Lotikhulumela kwakhe ufuna ludvumo lwakhe, kepha lofuna ludvumo lwalowo lamtfumile, lowo ucinisile, futsi kute kungalungi kuye.

Johane 7:39

Jesu abekhuluma ngaMoya labebatawumemukela laba lababekholwa kuye, ngobe Moya abengakefiki, kwatise kutsi Jesu abesengakakhatimuliswa.

Johane 8:41

“Nine nenta imisebenti yeyihlo.” Batsi kuye: “Tsine asisibo bekuphingwa, sinaBabe munye, nguNkulunkulu lucobo.”

Johane 8:50

Mine-ke angifuni lwami ludvumo. Ukhona lolufunako nalowehlulelako.

Imisebenti yebaPhostoli 3:13

Nkulunkulu wa-Abrahama na-Isaka naJakobe, Nkulunkulu wabokhokho, usikhatimulisile Sisebenti sakhe lesinguJesu, lenamniketa etiphatsimandleni, namlahla embikwaPhilatu, namala nome Philatu asatimisele kumkhulula.

2 kubaseKorinthe 10:18

Ngobe lowemukelela eNkhosini, akusiye lotincomako, kodvwa ngulowo lonconywa yiNkhosi.

1 yaPhetro 1:12

Bona bembulelwa kutsi tiphrofetho tabo tatingakacondzani nabo, taticondzene nani, njengobe babekhuluma ngaloko nani lese nikuve ngalabo labanishumayela liVangeli ngaMoya Longcwele lophuma ezulwini. Ngisho netingilosi tiyafisa kutibona letintfo.

1 yaPhetro 1:21

Ngaye loKhristu nakholwa kuNkulunkulu, lowamvusa kulabafile, wamnika bukhosi, kuze kutsi nibheke kuNkulunkulu ngelitsemba nangekukholwa.

2 yaPhetro 1:17

Mhlazana emukela ludvumo nenkhatimulo kuNkulunkulu uYise, sasikhona tsine. Kwaphuma livi enkhatimulweni yebukhosi, latsi: “Lo, uyiNdvodzana yami letsandzekako, lengitfokota ngayo.”