Johane 8:53 - Siswati 1996 Bible

⁵³ Wena umkhulu yini kunababe wetfu Abrahama losewafa kanye nebaphrofethi lasebafa? Wena-ke ucabanga kutsi ungubani?”

Johane 8:53 Referencias Cruzadas

Isaya 9:6

Ngobe tsine sitalelwe umntfwana, siphiwe indvodzana. Umbuso uyawubasemahlombe akhe. Uyawutsiwa nguMeluleki Lomangalisako, nguNkulunkulu Lonemandla, nguBabe Waphakadze, yiNkhosi Yekuthula.

Matewu 12:6

Ngiyanitjela ngitsi: Lapha kukhona lokukhulu kunelithempeli.

Matewu 3:9

Ningatiyengi nje nitsi: ‘Sinaye Abrahama longubabe wetfu,’ ngobe ngiyanitjela ngitsi: Nkulunkulu angamvusela Abrahama bantfwana kulamatje.

Johane 10:33

EmaJuda amphendvula atsi: “Kute umsebenti lomuhle lesifuna kukugcobela wona, kuphela nje kutsi wena uyahlambalata; ungatsi kantsi ungumuntfu nje nawe, ube sewutenta Nkulunkulu!”

Johane 12:34

Lesicumbi samphendvula satsi: “Sivile emtsetfweni kutsi Khristu uyawuphila kuze kube phakadze. Kepha wena usho kanjani kutsi iNdvodzana yeMuntfu itawuphakanyiswa? Ngubani yona leNdvodzana yeMuntfu?”

Johane 19:7

EmaJuda amphendvula atsi: “Tsine sinemtsetfo: Ngalowo mtsetfo lomuntfu kufanele afe, ngobe utenta iNdvodzana yaNkulunkulu.”

Johane 4:12

Kantsi wena umkhulu yini kunababe wetfu Jakobe lowasinika lomtfombo? Yena wanatsa kuwo kanye nemadvodzana akhe nemihlambi yakhe.”

Johane 5:18

Kwaba shangatsi uwabangile emaJuda ngaloko kusho njalo kwakhe, afuna kumbulala kakhulu kunakucala, ngobe abengakephuli liSabatha kuphela, kodvwa waphindze watsi Nkulunkulu nguYise, watenta lolingana naNkulunkulu.

Johane 8:58

Jesu watsi kubo: “Ngicinisile, ngicinisile, ngitsi kini: Asengakabikho Abrahama, solo ngikhona mine.”

KubaseRoma 9:5

Wona angumliba wabokhokho, lapho kwavela khona Khristu waba ngumuntfu, yena longuNkulunkulu, Losetikwako Konkhe, akadvunyiswe phakadze naphakadze. Amen.