Johane 8:43 - Siswati 1996 Bible

⁴³ Nentiwa yini kutsi ningete nayivisisa lenkhulumo yami? Kungobe niyehluleka kuliva livi lami.

Johane 8:43 Referencias Cruzadas

Taga 28:5

Bantfu lababi abacondzi kahle lokulungile kutsi kuyini; kodvwa labo labakhonta Simakadze bakucondzisisa kahle konkhe.

Isaya 44:18

Abati lutfo, abacondzi lutfo; emehlo abo abhadziwe, kuze bangetiwubona, netingcondvo tabo tivaliwe, khona bangetiwucondzisisa.

Isaya 6:9

Watsi: “Hamba utjele lesive utsi: “ ‘Lalelani njalo, kodvwa ningeva; bukani njalo, kodvwa ningaboni.’

Jeremiya 6:10

Ngubani nje lengingakhuluma kuye ngimecwayise? Ngubani lotangilalela? Tindlebe tabo tivalekile, kuze bangetikuva. Livi laSimakadze lisikhubekiso kubo, abajabuli ngalo.

Hoseya 14:9

Ngubani lohlakaniphile? Uyawutibona letintfo. Ngubani lokwati kubona tintfo letifihlakele? Utaticondza kahle letintfo. Tindlela taSimakadze tilungile, labalungile bahamba ngato, kodvwa labahlubukako bayakhubeka kuto.

Mikha 4:12

Kodvwa letive atati kutsi yini lesengcondvweni yaSimakadze. Atiwacondzi emasu akhe, futsi atiboni nekutsi tibutselwe ndzawonye, khona titewujeziswa kahle, tibhujiswe njengekubhulwa kwemabele labutselwe ndzawonye, abutsaniselwa kubhulwa.

Matewu 13:15

Ngobe inhlitiyo yalesive seyaba lukhuni, netindlebe tabo tiva kamatima, emehlo abo bawavalile; funa mhlawumbe ngemehlo abo babone, nangetindlebe tabo beve, nangetinhlitiyo tabo bacondze baphendvuke, bese ngiyabaphilisa.’

Johane 5:25

Ngicinisile, ngicinisile, ngitsi kini: Sikhatsi siyeta, nanyalo sesifikile lapho labafile bayawuliva livi leNdvodzana yaNkulunkulu, nalabo labalivako bayawuphila.

Johane 5:43

Mine ngite egameni laBabe, kodvwa aningemukeli; kepha nakuta lomunye atitela egameni lakhe, yena nitamemukela.

Johane 6:60

Linyenti lebafundzi bakhe lelayiva lenkhulumo latsi: “Ilukhuni-ke lemfundziso. Ngubani nje longayiva?”

Johane 7:17

Umuntfu nakatsandza kwenta intsandvo yaNkulunkulu utakwati ngalemfundziso yami, nome iphuma kuNkulunkulu, nome ngitikhulumela kwami nje.

Johane 8:27

Babengacondzisisi kahle kutsi ukhuluma kubo ngeYise.

Johane 8:33

Baphendvula batsi: “Tsine siyintalelwane ya-Abrahama. Asizange sesibe tigcili temuntfu. Usho kutsini-ke nawutsi: ‘Nitawuba ngulabakhululekile’?”

Johane 8:39

Bamphendvula batsi: “Babe wetfu ngu-Abrahama.” Jesu wabaphendvula watsi: “Kube benibantfwana ba-Abrahama ngempela, ngabe nenta imisebenti ya-Abrahama.

Imisebenti yebaPhostoli 7:51

“Maye, ninenkhani! Maye, anikholwa etinhlitiyweni tenu! Maye, nitihhulu ekuveni livi laNkulunkulu! Nifute bokhokho benu, nani niphikisana naMoya Longcwele.

KubaseRoma 3:11

kute ngisho namunye locondzisisako, kute lofuna Nkulunkulu.