Johane 8:34 - Siswati 1996 Bible

³⁴ Jesu watsi kubo: “Ngicinisile, ngicinisile, ngitsi kini: Wonkhe umuntfu lowenta sono, usigcili sesono.

Johane 8:34 Referencias Cruzadas

1 Emakhosi 21:25

Kute indvodza lenjenga-Ahabi leyatitsengisa yona ekwenteni bubi emehlweni aSimakadze, ifucwa ngumkayo Jezebeli.

Taga 5:22

Imisebenti yemuntfu lomubi ilugibe, ubanjwa elugibeni lwesono sakhe.

Matewu 5:18

“Ngicinisile, ngitsi kini: Kuyakudzimate kwendlule lizulu nemhlaba seloku kute ngisho nalelincane nje lichashatana lelitawususwa emtsetfweni, kuze kufezeke konkhe.

Johane 3:3

Jesu watsi kuye: “Ngicinisile, ngicinisile, ngitsi kuwe: Ngaphandle kwekutsi umuntfu atalwe kabusha ngekwasezulwini, angeke awubone umbuso waNkulunkulu!”

Imisebenti yebaPhostoli 8:23

Ingani ngiyabona kutsi ugcwele umona, kantsi usiboshwa sesono.”

KubaseRoma 6:12

Ngako-ke ningasivumeli sono kutsi siphindze siyibuse lemitimba yenu lebhubhako. Ningabobe nisatilandzela ngisho netinkhanuko temitimba yenu.

KubaseRoma 6:16

Anati yini kutsi lowo lenitinikele kuye nitigcili takhe tekumlalela? Nitigcili talowo lenimlalelako, nome tesono kube kufa, nome tekulalela Nkulunkulu kube kwemukeleka kuye kutsi nilungile.

KubaseRoma 6:6

siyati kutsi umuntfu wetfu lomdzala wabetselwa esiphambanweni kanye naye, khona kutewutsi umtimba wetfu wesono utewufa, singabe sisagcilatwa sono.

KubaseRoma 7:14

Siyati kutsi umtsetfo waMoya, kodvwa mine ngingumuntfu wemhlaba, lotsengiswe esonweni.

KubaseRoma 7:25

Akabongwe Nkulunkulu ngeNkhosi yetfu Jesu Khristu! Ngako-ke mine ngekwami ngikhonta umtsetfo waNkulunkulu ngengcondvo yami, kodvwa ngekwemvelo yami ngikhonta umtsetfo wesono.

KubaseRoma 8:21

lekutsi nendalo ngalelinye lilanga iyawukhululwa kulobugcili bekubola, ibe nesabelo kulenkhululeko nebukhosi bebantfwana baNkulunkulu.

Kubase-Efesu 2:2

lebenikadze nihamba kuto ngekwendlela yalomhlaba, ngekwembusi wemandla emkhatsi, umoya losasebenta kubantfu labangalaleli Nkulunkulu.

kuThithusi 3:3

Ngobe natsi matfupha sake saba tilima, singalaleli, sidukiswa, sitigcili tato tonkhe tinkhanuko nekutamasa. Besiphila ebubini nasemoneni, sitondzekile, sitondzana.

2 yaPhetro 2:19

Babetsembisa inkhululeko, kantsi bona ngekwabo batigcili tekubhubha; ngobe loko lokumehlulako umuntfu, usigcili sako.