Johane 8:12 - Siswati 1996 Bible

¹² Jesu wakhuluma kubo futsi watsi: “Mine ngikukhanya kwelive. Lowo longilandzelako angeke asahamba ebumnyameni, kodvwa uyawuba nekukhanya kwekuphila.”

Johane 8:12 Referencias Cruzadas

Jobe 33:28

Uwephulile umphefumulo wami kutsi ungayi emgodzini, sengitawuhlala ngijatjuliswa kukhanya.’

Tihlabelelo 18:28

Nguwe lowokhela sibane sami, Simakadze, Nkulunkulu wami; ugucula bumnyama bami abente bube kukhanya.

Tihlabelelo 49:19

utawuhamba aye kubakubo lase bafa, lapho kunebumnyama baphakadze.

Tihlabelelo 97:11

Kukhanya kuhlanyelelwa labalungile, nekujabula kuhlanyelelwa labanetinhlitiyo letinhle.

Isaya 49:6

utsi: “Kuyintfo lelula kakhulu kuwe kuba yinceku yami kubuyisela tive takaJakobe, nekubuyisa labo labasasele bema-Israyeli lengitigcinele bona. Ngitakwenta futsi ube kukhanya kubetive, kuze utewumikisa insindziso yami emikhawulweni yonkhe yemhlaba.”

Isaya 50:10

Ngubani emkhatsini wenu lowesaba Simakadze nalolalela livi lenceku yakhe? Lowo lohamba ebumnyameni, longenako kukhanya, aketsembele kulo Libito laSimakadze, asime kuNkulunkulu wakhe.

Isaya 9:2

Bantfu labahamba ebumnyameni bakubonile kukhanya lokukhulu; kulabo labahlala eveni lelitfunti lekufa kukhanya sekuchamukile.

Hoseya 6:3

Asimhloniphe Simakadze, sitimisele nekumnaka. Impela, njengobe kucinisekile kutsi lilanga liphuma ekuseni, kanjalo naye uyachamuka ete kitsi njengetimvula tasebusika, nanjengetimvula tasentfwasahlobo letinisela umhlaba.”

Malakhi 4:2

Kodvwa kini lenilesabako Libito lami, lilanga lekulunga liyawuphuma linekuphilisa etimphikweni talo. Niyawuphuma nitjakadvule njengemankhonyane lakhululwe etisingeni tawo.

Matewu 5:14

“Nine nikukhanya kwelive. Lidolobha lelakhiwe entsabeni lephakeme lingeke lisitseke.

Lukha 2:32

lekukhanya lokwembulelwe betive, neludvumo esiveni sakho saka-Israyeli.”

Johane 12:35

Jesu wabaphendvula watsi: “Kukhanya kusetawuba nani kwesikhashana nje. Ngako hambani kusenekukhanya, kuze ningetikwehlelwa bumnyama, ngobe lohamba ebumnyameni akaboni lapho aya khona.

Johane 12:36

Kholwani kukhanya nisenako, kuze nitewuba bantfwana bekukhanya.” Jesu watsi kube acedze lenkhulumo, wesuka kubo watifihla.

Johane 12:46

Ngite ngikukhanya emhlabeni, kuze kutsi wonkhe lokholwa ngimi angahlali ebumnyameni.

Johane 14:6

Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.

Johane 3:19

Kwehlulelwa ngiko loko kutsi: Kukhanya kutsi sekufikile emhlabeni, kepha bantfu babe batsandza bumnyama kunekukhanya, ngenca yemisebenti yabo lemibi.

Johane 7:17

Umuntfu nakatsandza kwenta intsandvo yaNkulunkulu utakwati ngalemfundziso yami, nome iphuma kuNkulunkulu, nome ngitikhulumela kwami nje.

Johane 9:5

Ngisesekhona lapha emhlabeni ngikukhanya kwemhlaba.”

Imisebenti yebaPhostoli 13:47

Lona ngumyalo lesawunikwa yiNkhosi lotsi: “ ‘Ngikutfumele kutsi ube kukhanya kubetive, ube yinsindziso emhlabeni wonkhe.’ ”

Imisebenti yebaPhostoli 26:23

kutsi Khristu kufanele ahlupheke afe nekutsi abe wekucala kuvuka ekufeni, bese umemetela kukhanya kumaJuda nakubetive.”

2 yaPhetro 2:17

Labo bantfu bayimitfombo lete emanti, batinkhungu letichutjwa sivunguvungu; bagcinelwe bunyama bebumnyama.

2 yaPhetro 2:4

Nkulunkulu akazange atiyekele tingilosi letona, kodvwa watilahla kalasha emigodzini yebumnyama bebumnyama, kutsi titewugcinelwa kwehlulelwa.

1 yaJohane 1:6

Nasitsi sinebudlelwane naye, kodvwa sibe sihamba ebumnyameni, sinemanga, futsi asiphili ngekweliciniso.

YaJuda 1:13

Bantfu labanjena banjengemagagasi elwandle, bakhephuta emahlazo abo; batinkhanyeti leteduka lese tagcinelwa bumnyama bebumnyama baphakadze.

YaJuda 1:6

Nikhumbule phela kutsi netingilosi letingabugcinanga bukhosi bato ngekushiya likhaya lato, watigcina ebumnyameni tiboshwe ngetinketane letingasoze tikhunyulwe. Letingilosi timele lilanga lelikhulu lekwehlulelwa.

Sembulo 21:24

Tive tiyawuhamba ekukhanyeni kwalo, nemakhosi emhlaba ayakwetfula kulo emagugu ebukhosi bawo.