Johane 7:7 - Siswati 1996 Bible

⁷ Live lingeke linitondze nine, kodvwa mine liyangitondza, ngobe ngifakaza ngalo kutsi imisebenti yalo mibi.

Johane 7:7 Referencias Cruzadas

1 Emakhosi 21:20

Ahabi watsi ku-Elija: “Wo! Sewungitfolile, sitsa sami!” Elija waphendvula watsi: “Ngikutfolile, ngobe utitsengise wena ngekwenta lokubi emehlweni aSimakadze.

1 Emakhosi 22:8

Inkhosi Ahabi yaphendvula Jehoshafati, yatsi: “Usekhona munye lesingabuta ngaye kuSimakadze, kodvwa ngiyamenyanya, ngobe akaze nje aphrofethe lokuhle ngami, kodvwa uphrofetha lokubi kodvwa. NguMikhaya, umsa waJimla.” Jehoshafati waphendvula watsi: “Inkhosi ayikafaneli kukusho loko.”

Tihlabelelo 109:5

Mine ngabentela lokuhle, bona bangibonga ngalokubi, lutsandvo lwami balwenana ngenzondo.

Taga 15:12

Tihlangananhloko atikufuni kucondziswa, tibalekelana nebantfu labahlakaniphile.

Taga 8:36

kodvwa logeja kungitfola, utilimata yena, bonkhe labangitondzako batsandza kufa.”

Isaya 29:21

labo labenta umuntfu adliwe licala ngeligama linye nje, bambekele lugibe lowo lotsetsa emacala enkhundleni, ngebufakazi bemanga baphambukise umtsetfocotfo, badlelele longenacala.

Isaya 49:7

Naku lokushiwo nguSimakadze, uMhlengi, naLongcwele waka-Israyeli, kuye lowake wedzelelwa wenyanywa sive, kuyo inceku yebabusi, utsi: “Emakhosi ayawukubona asukume, tikhulu tiyawukubona tikhotsame, ngenca yaSimakadze lowetsembekile, Longcwele waka-Israyeli, lokukhetsile.”

Jeremiya 20:8

Njalo nje nangikhuluma, ngikhala ngimemetela kulwa nembhubhiso. Ngako livi laSimakadze selingitsele ngenhlamba nenhlekisa lonkhe lilanga.

Levithikusi 13:10

Umphristi utamhlolisisa, nangabe kunelichashata lelimhloshana esikhunjeni sakhe lese lidzimate lagucula lunwele lwaba mhlophe, kuphindze kube nesilondza lesinebovu,

Zakhariya 11:8

Nganyanga yinye ngesusa labelusi labatsatfu. Umhlambi wangenyanya, nami ngadzinwa nguwo,

Malakhi 3:5

“Ngako, ngiyawusondzela kini kutakwehlulela. Ngiyawushesha kutsi ngifakaze ngimelane netangoma, netiphingi, nabofakazi bemanga, ngimelane nalabo labadlelela tisebenti emaholo ato, labo labacindzetela bafelokati netintsandzane, bemuke betive emalungelo abo, kodvwa bangangesabi mine,” kusho Simakadze longuSomandla.

Lukha 6:26

Maye kini, nangabe wonkhe umuntfu ukhuluma kahle ngani; ngobe bokhokho babo bebenta njalo kubaphrofethi bemanga.”

Johane 17:14

Ngibanikile livi lakho; live labatondza ngobe bangesibo belive, njengobe nami ngingesiye walelive.

Johane 3:19

Kwehlulelwa ngiko loko kutsi: Kukhanya kutsi sekufikile emhlabeni, kepha bantfu babe batsandza bumnyama kunekukhanya, ngenca yemisebenti yabo lemibi.

KubaseRoma 8:7

Ngako-ke labanaka kwenyama batitsa kuNkulunkulu, ngobe abawutfobeli umtsetfo waNkulunkulu; empeleni bate emandla ekuwutfobela.

KubaseGalathiya 4:16

Kungabe sengigucuke ngaba sitsa senu ngekunitjela liciniso yini?

YaJakobe 4:4

Aniketsembeki, ninjengetiphingi. Anati yini kutsi kutsandzana nelive kubutsa kuNkulunkulu? Lofisa kuba ngumngani welive, utenta sitsa kuNkulunkulu.

1 yaJohane 4:5

Bona belive, ngako-ke nalabakukhulumako kwaseveni, futsi nelive liyabeva.