20 Kodvwa watsi kubo: “Ningesabi, ngimi.”
Hoshula sikhali sakho, uvimbe labo labangicoshako; khuluma emphefumulweni wami, utsi: “Mine ngiyinsindziso yakho!”
Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.
Ungesabi, wena mphetfu, Jakobe, awu, mntfwanyana, Israyeli, ngobe mine matfupha ngitakusita,” kusho Simakadze, uMhlengi wakho, Longcwele waka-Israyeli.
Ningatfutfumeli, ningesabi. Angizange ngikumemetele yini loku, ngakhuluma ngako kungakenteki kadzeni? Nine nibofakazi bami. Kukhona yini lomunye Nkulunkulu ngaphandle kwami? Cha, kute lelinye Lidvwala, kute nalinye lengilatiko.”
Latsi kubo: “Ningesabi! Nifuna Jesu waseNazaretha lona bekabetselwe esiphambanweni. Uvusiwe ekufeni, akasekho lapha. Nasi sikhundla lapho bebambeke khona.
Ngobe bambona bonkhe betfuka, besaba kakhulu. Masinyane wakhuluma nabo, watsi: “Manini sibindzi, ningesabi, ngimi.”
Bafundzi bese bagwedle emakhilometha lasihlanu nome lasitfupha ngesikhatsi babona Jesu ahamba etikwemanti, asondzela esikebheni, betfuka besaba kakhulu.
Bese bajabulele kutsi bamekhwete esikebheni sabo. Batsi bangakabheki babona sebefikile eveni labebaya kulo.
