Johane 6:11 - Siswati 1996 Bible

¹¹ Jesu watitsatsa letinkhwa, wabonga, wase utiphakululela laba bebahleti phansi, wabuye, wenta njalo futsi nangetinhlanti, kwaya ngekutsi basakufuna yini kudla.

Johane 6:11 Referencias Cruzadas

Matewu 15:36

Watsatsa letinkhwa letisikhombisa netinhlanti, wabonga, watihlephula watinika bafundzi, bona banika bantfu.

Lukha 24:30

Nasekudliwa, watsatsa sinkhwa, wasibusisa, wase uyasihlephula, sewuyabanika.

Johane 21:10

Jesu watsi kubo: “Letsani letinye tinhlanti kuleto lenitibambile!”

Johane 21:13

Jesu waya kubo, wafika watsatsa sinkhwa, wabanika, wachubeka wenta njalo futsi nasetinhlantini.

Johane 21:9

Batsi nabefika esihlabatsini, babona umlilo wemalahle ubasiwe etikwawo kunenhlanti kanye nesinkhwa.

Johane 6:23

Kodvwa letinye tikebhe lebetiphuma eThibheriyase, tefika edvutane naleyo ndzawo, lapho lesicumbi sasidlele khona tinkhwa emvakwekubonga kweNkhosi.

Johane 6:9

“Kukhona umfana lapha lonetinkhwa tebhali letisihlanu netinhlanti letimbili. Kepha kungentani loko, bantfu babanyenti kangaka nje?”

Imisebenti yebaPhostoli 27:35

Watsi kube asho loko Pawula watsatsa sinkhwa wabonga kuNkulunkulu embikwabo bambuka bonkhe, wasihlephula wacala wadla.

KubaseRoma 14:6

Lowo lohlonipha lilanga ulihloniphela iNkhosi; nalowo lodlako udlela iNkhosi, ngobe naye ubonga kuNkulunkulu; kantsi nalowo longadli uyekelela iNkhosi, ngobe naye ubonga kuNkulunkulu.

1 kubaseKorinthe 10:31

Imphendvulo yami itsi: Nome niyadla, nome niyanatsa, nome nentani-ke lokunye, konkhe akwentelwe ludvumo lwaNkulunkulu.

1 kubaseThesalonika 5:18

Bongani kuko konkhe, ngobe loko kuyintsandvo yaNkulunkulu kuKhristu Jesu ngani.

1 Samuweli 9:13

Nitawutsi nisangena edolobheni, nimkhandze asengakaphumi kwenyukela entsabeni kuyakudla. Bantfu bangeke bacale kudla angakefiki, ngobe phela kufanele awubusise lomhlatjelo; emvakwaloko-ke, labo labamenyiwe batawube sebayadla. Yenyukani, nifanele kumkhandza ngaso lesikhatsi.”