Johane 5:4 - Siswati 1996 Bible

⁴ Bekuvame njalo kutsi kwehle ingilosi yeNkhosi, ifike iwatamatamise lamanti. Bekutsi lowo longene kucala emuva kwekutanyatanyiswa kwemanti, aphile esifeni sakhe, nome ngabe saluphi luhlobo.]

Johane 5:4 Referencias Cruzadas

2 Emakhosi 5:10

Elisha watfumela sitfunywa kuye watsi: “Hamba, ufike ugeze kasikhombisa emfuleni iJordane, umtimba wakho utawuphila ube musha, uhlambuluke.”

Tihlabelelo 119:60

Angicitsi sikhatsi, ngivele ngiphutfume, ngigcine imiyalo yakho.

Taga 6:4

Ungalali, ungavali ngisho nemehlo.

Taga 8:17

Ngiyabatsandza laba labangitsandzako, nalabo labangifunisisako bayangitfola;

Umshumayeli 9:10

Wonkhe umsebenti losetandleni takho wente ngemandla akho onkhe, ngobe ethuneni lapho uya khona, kute kusebenta, nekucabanga, nelwati kanye nekuhlakanipha.

Hezekeli 47:8

Yatsi kimi: “Lamanti lawa ageletela ngaseveni langasemphumalanga, ehle aze ayewufika eSigodzini saseJordane i-Arabha, lapho afike angene khona elwandle, emanti-ke lapho afike abe mnandzi.

Hoseya 13:13

Imihelo yemfati nasatawubeleka iyamfikela, kodvwa ungumntfwana lote kuhlakanipha; kutsi nakufika sikhatsi sakhe, angete eta ngasemnyango wesibeletfo.

Zakhariya 13:1

“Ngalelo langa umtfombo uyawuvulekela indlu yakaDavide kanye nalabo labahlala eJerusalema, kutsi utewubahlanta esonweni nasekungcoleni.

Zakhariya 14:8

Ngalelo langa emanti laphilako ayawugeleta aphuma eJerusalema, incenye yawo igeletele elwandle lolungasemphumalanga, kutsi incenye yawo igeletele elwandle lolungasenshonalanga, busika nehlobo.

Matewu 11:12

Kusukela etikhatsini taJohane uMbhabhatisi kuze kube ngulamuhla umbuso welizulu uyaphangwa, nalabo labawuphangako bayawuhlwitsa.

Matewu 6:33

Kodvwa funani kucala umbuso waNkulunkulu kanye nekulunga kwakhe, khona tonkhe letintfo titakwengetelwa kini.

Lukha 13:24

“Phikelelani kungena ngemnyango lomncane; ngobe banyenti bantfu labatakwetama kungena ngawo, kodvwa bayakwehluleka.

Lukha 16:16

“Umtsetfo netimfundziso tebaphrofethi kwasebenta kwaze kwefika sikhatsi saJohane uMbhabhatisi. Kusukela ngaleso sikhatsi sekushunyayelwa liVangeli ngembuso waNkulunkulu, wonkhe umuntfu ulwela kungena kuwo,

Johane 5:3

Bekulele kuyo ticumbi tetigulane, timphumphutse, netinyonga, nalababefe tinhlangotsi, [bonkhe bebalindzele kutanyatanyiswa kwemanti.

Johane 5:5

Bekunendvodza lapho leyase igule iminyaka lengema-38.

Johane 5:7

Lendvodza yaphendvula yatsi: “Nkhosi, ngite umuntfu longangifaka echibini, nakutanyatanyiswa emanti. Ngiyaye ngitsi ngetama kungena, kusuke lomunye umuntfu angengcelele.”

1 kubaseKorinthe 6:11

Babenjalo labanye emkhatsini wenu. Kodvwa-ke nyalo senagezwa, nangcweliswa, nemukeleka kuNkulunkulu kutsi nilungile egameni leNkhosi Jesu Khristu nangaMoya waNkulunkulu wetfu.

1 yaJohane 1:7

Kodvwa nasihamba ekukhanyeni, njengobe yena asekukhanyeni, sinebudlelwane lomunye nalomunye, nengati yaJesu, iNdvodzana yakhe, iyasihlanta kuko konkhe kona.