Johane 5:21 - Siswati 1996 Bible

²¹ Njengobe uYise avusa labafile baphile, nayo-ke iNdvodzana iyabaphilisa labo letsandza kutsi baphile.

Johane 5:21 Referencias Cruzadas

1 Emakhosi 17:21

Welulela imikhono yakhe etikwalomfana, kwaze kwaba katsatfu, solomane aphindza amemeta kuSimakadze, atsi: “Awu! Simakadze Nkulunkulu wami, buyisela umphefumulo walomfana kuye!”

2 Emakhosi 5:7

Yatsi kube inkhosi yaka-Israyeli iyifundze lencwadzi, yaklebhula tingubo tayo, yatsi: “Mine nginguNkulunkulu yini? Nginawo yini emandla ekubulala nekuphilisa? Lomuntfu uyitfumeleleni lapha kimi lenceku yakhe kutsi ngitekuyiphilisa kulobulephelo bayo? Niyabona-ke kutsi ufuna kususa imphi alwe nami!”

Johane 11:25

Jesu watsi kuye: “Mine ngikuvuka nekuphila, lokholwa ngimi, nome angafa, uyawuphila.

Johane 17:2

Ngobe uyiphe emandla ngetulu kwabo bonkhe bantfu, kuze itebapha kuphila lokuphakadze bonkhe labo loyiphe bona.

Johane 6:63

Lokunika imphilo nguMoya; inyama ayinamsebenti; emavi lengiwakhuluma kini anguMoya, futsi akuphila.

Imisebenti yebaPhostoli 26:8

Kwentiwa yini lokutsi nine ningakholwa kutsi Nkulunkulu uyabavusa bantfu labafile?

KubaseRoma 8:11

Kodvwa nangabe Moya waNkulunkulu lowavusa Jesu kulabafile, ahlala kini, lowo lowavusa Khristu Jesu kulabafile uyawuphindze aninike kuphila emitimbeni yenu lebhubhako niphile ngebukhona baMoya wakhe lohlala kini.

1 kubaseKorinthe 15:45

Kanjalo futsi kubhaliwe kutsi: “Umuntfu wekucala Adamu waba ngumuntfu lophilako;” Adamu wekugcina waba nguMoya lonika kuphila.

Dutheronomi 32:39

“Bonani-ke manje kutsi Ngimi leNginguye, kute lomunye nkulunkulu ngaphandle kwami. Ngiyisa ekufeni, ngibuyise ekuphileni; ngilimatile ngiyawuphilisa futsi. Kute longakhulula lutfo esandleni sami.