Johane 4:6 - Siswati 1996 Bible

⁶ Umtfombo waJakobe bewukhona lapho. Jesu asadziniwe ngenca yeluhambo, wahlala phansi eceleni kwawo waphumula. Bekungacishe kube li-awa lelishumi nambili emini.

Johane 4:6 Referencias Cruzadas

Matewu 27:45

Kepha kusukela ngeli-awa leli-12 emini umhlaba wonkhe waba mnyama, kwaze kwaba li-awa lesitsatfu.

Matewu 4:2

Asazilile kudla emalanga langema-40 nebusuku bakhona, wase uyalamba.

Matewu 8:24

Kwase kuvuka sivunguvungu selwandle lesikhulu, sikebhe sadzimate sagujetelwa ngemagagasi; kepha Jesu abelele.

Lukha 2:7

Watubula ngendvodzana, wayigocota ngetindvwangu, wayilalisa emkhombeni wekudlela tinkhomo, ngobe phela kwakungenandzawo yekuhlala endlini yetihambi.

Lukha 9:58

Jesu watsi kuyo: “Timphungutja tinemigodzi, netinyoni tinetidleke, kodvwa iNdvodzana yeMuntfu ayinandzawo yekulala iphumule.”

Johane 11:9

Jesu watsi kubo: “Angitsi lilanga liyaphuma libuye lishone? Umuntfu nakahamba emini akakhutjwa, ngobe ukhanyiselwa ngulokukhanya kwalapha emhlabeni.

Johane 4:12

Kantsi wena umkhulu yini kunababe wetfu Jakobe lowasinika lomtfombo? Yena wanatsa kuwo kanye nemadvodzana akhe nemihlambi yakhe.”

Johane 4:5

Jesu wangena edolobheni laseSikhari lelaliseSamariya edvutane nensimi yaJosefa, layinikwa nguJakobe.

Johane 4:7

Kwase kuchamuka umfati waseSamariya atekukha emanti. Jesu watsi kuye: “Ase unginatsise tsine.”

2 kubaseKorinthe 8:9

Ngobe niyawati umusa weNkhosi yetfu Jesu Khristu, kutsi nome abecebile, kodvwa ngenca yenu waba luphuya, kuze kutsi ngebuphuya bakhe anente nicebe.

KumaHebheru 2:17

Ngako-ke kwakudzingekile kutsi afanane nabomnakabo ngako konkhe, kuze atewuba ngumPhristi Lomkhulu lonesihawu nalowetsembekile emsebentini waNkulunkulu, kube yinhlawulo yetono tebantfu.

KumaHebheru 4:15

LomPhristi wetfu Lomkhulu akasiye lowehluleka kuvelana natsi ebutsakatsakeni betfu, kodvwa walingwa ngayo yonkhe indlela njengatsi, noko akazange one.