Johane 4:34 - Siswati 1996 Bible

³⁴ Jesu waphendvula watsi: “Kudla kwami kukwenta intsandvo yalongitfumile, nekucedzela umsebenti wakhe langinike wona.

Johane 4:34 Referencias Cruzadas

Jobe 23:12

Angikesuki emiyalweni yetindzebe takhe. Emavi emlomo wakhe ngiwente aba ligugu kwendlula kudla kwami kwemalanga onkhe.

Tihlabelelo 40:8

Yebo, Nkulunkulu wami, kujabula kwami kusekwenteni intsandvo yakho, imiyalo yakho isenhlitiyweni yami.”

Matewu 26:39

Yena wachubeka libangana, wawa phansi ngebuso, athandaza atsi: “Babe, nakungenteka, yendlulise kimi lendzebe yelusizi. Kepha hhayi ngekufisa kwami, kodvwa kuye ngentsandvo yakho.”

Matewu 3:15

Kodvwa Jesu wamphendvula watsi: “Vuma nyalo, ngobe kufanele sigcwalise kanjalo intsandvo yaNkulunkulu.” Ngako wase uyamvumela.

Matewu 9:19

Jesu wasukuma wamlandzela, kanye nebafundzi bakhe.

Lukha 15:10

Jesu wachubeka watsi: “Ngalokufananako-ke, ngitsi kini: Tingilosi taNkulunkulu tiyawutfokota ngesoni sinye lesiphendvukako.”

Lukha 19:10

Phela, iNdvodzana yeMuntfu itewufuna nekusindzisa lokulahlekile.”

Lukha 2:49

Jesu wabaphendvula watsi: “Beningifunelani? Beningati yini kutsi kufanele ngibesemsebentini waBabe?”

Johane 17:4

Babe, ngikudvumisile eveni ngekucedzela umsebenti lowanginika wona kutsi ngiwente.

Johane 19:28

Ngaleso sikhatsi Jesu besati kutsi konkhe sekuphelele, kuze kugcwaliseke umBhalo, watsi: “Ngomile.”

Johane 19:30

Watsi kube alemukele leliwayini Jesu, wase utsi: “Kuphelele.” Wagebisa inhloko yakhe, wakhulula umoya wakhe, wafa.

Johane 4:32

Kodvwa Jesu wabaphendvula watsi: “Nginekudla lengikudlako, leningakwati nine.”

Johane 5:30

“Mine ngingeke ngitentele lutfo ngekwami; ngehlulela njengaloko lengikuvako, kwehlulela kwami kulungile, ngobe angifuni yona intsandvo yami, kepha intsandvo yalowo longitfumile.

Johane 5:36

Kepha nginebufakazi lobukhulu kunebaJohane, ngobe imisebenti Babe langinike yona kutsi ngiyente, yona lemisebenti lengiyentako iyangifakazela kutsi ngitfunywe nguBabe.

Johane 6:33

Ngobe sinkhwa laphana ngaso Nkulunkulu nguleso lesehla siphuma ezulwini, lesiletsa kuphila emhlabeni.”

Johane 6:38

Ngobe kwehla kwami ezulwini akusiko kutsi ngetela kutakwenta intsandvo yami, kepha kutakwenta intsandvo yalowo longitfumile.

Johane 8:29

Lowo longitfumile unami; akangishiyi ngedvwa, ngobe sonkhe sikhatsi ngenta lokutsandzekako kuye.”

Imisebenti yebaPhostoli 20:35

Nginikhombisile kanyenti kutsi ngekusebenta kakhulu kanje kufanele sibasite labeswele, nikhumbule nemavi eNkhosi Jesu lawasho nakatsi: ‘Kubusisiwe kupha kunekwemukela.’ ”

KumaHebheru 12:2

emehlo etfu angesuki kuJesu longumsunguli nemphelelisi wekukholwa kwetfu. Ngenca yekujabula labekubekelwe Jesu wacinisela ngekwetfwala siphambano, wangete walinaka lihlazo laso; wahlala ngesekudla sesihlalo sebukhosi saNkulunkulu.