Johane 4:32 - Siswati 1996 Bible

³² Kodvwa Jesu wabaphendvula watsi: “Nginekudla lengikudlako, leningakwati nine.”

Johane 4:32 Referencias Cruzadas

Jobe 23:12

Angikesuki emiyalweni yetindzebe takhe. Emavi emlomo wakhe ngiwente aba ligugu kwendlula kudla kwami kwemalanga onkhe.

Tihlabelelo 119:103

Maye, timnandzi tetsembiso takho kimi! Tinongotela kwengca luju lwetinyosi emlonyeni wami.

Tihlabelelo 25:14

Timfihlakalo takhe, Simakadze, utinika labamesabako, abafundzise kwati sivumelwane sakhe.

Tihlabelelo 63:5

Umphefumulo wami uyakwesutsiswa kube shangatsi ngidle emanoni nemnkantja, nemlomo wami ukudvumise ngenjabulo.

Taga 14:10

Inhlitiyo yemuntfu buhlungu bayo itetfwalela yona yodvwa, futsi kute longase abe nesabelo ekujabuleni kwayo.

Taga 18:20

Umuntfu weneliswa nguloko lakukhulumako; angeneliswa tento temlomo wakhe.

Isaya 53:11

Emvakwekuhlupheka kwemphefumulo wayo iyawukubona kukhanya kwekuphila, yeneliswe, ngelwati lwayo inceku yami lelungile iyakwenta labanyenti bemukeleke kuNkulunkulu kutsi balungile, njengobe yetfwele tiphambuko tabo.

Jeremiya 15:16

Emavi akho atsi nakefika kimi, ngawadla, aba yinjabulo yami nentfokoto yenhlitiyo yami, ngobe ngibitwa ngeLibito lakho, awu, Simakadze Nkulunkulu longuSomandla.

Johane 4:31

Bafundzi bakhe base bayamncenga batsi: “Mfundzisi, asewudle phela.”

Johane 4:33

Ngako bafundzi bacala babutana bodvwa, batsi: “Ngabe kukhona yini loke wamletsela kudla?”

Johane 4:34

Jesu waphendvula watsi: “Kudla kwami kukwenta intsandvo yalongitfumile, nekucedzela umsebenti wakhe langinike wona.

Imisebenti yebaPhostoli 20:35

Nginikhombisile kanyenti kutsi ngekusebenta kakhulu kanje kufanele sibasite labeswele, nikhumbule nemavi eNkhosi Jesu lawasho nakatsi: ‘Kubusisiwe kupha kunekwemukela.’ ”

Sembulo 2:17

“ ‘Lowo lonendlebe akeve loko lokushiwo nguMoya emabandleni! “ ‘Loncobako ngiyawumnika lokukwemana lefihliwe, ngiphindze ngimnike litje lelimhlophe, nelibito lelisha, lelibhalwe etjeni, lelingatiwa ngumuntfu ngaphandle kwalowo lolemukelako.’ ”