Johane 4:10 - Siswati 1996 Bible

¹⁰ Jesu waphendvula watsi: “Kube mane bewusati sipho saNkulunkulu nekutsi ngubani lona lotsi: ‘Nginatsise,’ ngabe ucele kuye, yena abetakunika emanti laphilako.”

Johane 4:10 Referencias Cruzadas

Tihlabelelo 10:17

Yebo, Simakadze! Uyativa tifiso talabacotfo, ucinise nenhlitiyo yabo. Indlebe yakho iyabalalela,

Tihlabelelo 46:4

Kukhona umfula lonemifudlana lejabulisa labo labasekhaya laNkulunkulu, endlini lengcwele yaLosetikwako Konkhe.

Eksodusi 17:6

Ngitakuma embikwakho edvwaleni leNtsaba iHorebe. Ubolishaya lelidvwala; emanti atawuphuma kulo, bese bantfu bayanatsa.” Mosi wenta njalo embikwebaholi bema-Israyeli.

Ingoma Yetingoma 4:15

Ngingumtfombo wasengadzeni, siyalu semanti lagobhotako, lageleta ehla esuka eLebanoni.

Isaya 12:3

Ngekujabula niyawukha emanti emitfonjeni yensindziso.

Isaya 35:6

Labachutako bayawusuka emagonso njengenyamatane, nelulwimi lwesimungulu luyawumemeta ngenjabulo. Emanti ayawugeleta ehlane, kube nemifudlana elugwadvule.

Isaya 42:6

“Mine, Simakadze, ngikubite ngekulunga, ngiyawubamba sandla sakho. Ngitawugcina ngikwente kutsi ube sivumelwane sami nesive sami, ube kukhanya kubetive,

Isaya 43:20

Tilwane tesiganga tiyangihlonipha, yebo, timphungutja kanye netahhukulu, ngobe ngiveta emanti ehlane nemifula eveni leligagadzekile, ngentele kunatsisa sive sami lesikhetsiwe,

Isaya 44:3

Ngobe ngiyawutfululela emanti eveni lelomile, nemifula emhlabatsini lowomile; ngiyawutfululela Moya wami kubantfwana bakho, nesibusiso sami etitukulwaneni takho.

Isaya 49:10

Abaseyikulamba, abaseyikoma; nekushisa kwaselugwadvule nekwelilanga akuseyikubashaya. Lowo lonesihawu nabo uyakubahola, abahambise ngasemitfonjeni yemanti.

Isaya 9:6

Ngobe tsine sitalelwe umntfwana, siphiwe indvodzana. Umbuso uyawubasemahlombe akhe. Uyawutsiwa nguMeluleki Lomangalisako, nguNkulunkulu Lonemandla, nguBabe Waphakadze, yiNkhosi Yekuthula.

Jeremiya 2:13

“Sive sami sente tono letimbili: Singishiyile mine, mtfombo wemanti ekuphila, satimbela ticojana taso emadvwaleni, ticojana letinetimbobo letingeke tiwemise emanti.”

Hezekeli 16:35

“ ‘Ngako-ke, wena ngwababane, vani livi laSimakadze!

Zakhariya 13:1

“Ngalelo langa umtfombo uyawuvulekela indlu yakaDavide kanye nalabo labahlala eJerusalema, kutsi utewubahlanta esonweni nasekungcoleni.

Zakhariya 14:8

Ngalelo langa emanti laphilako ayawugeleta aphuma eJerusalema, incenye yawo igeletele elwandle lolungasemphumalanga, kutsi incenye yawo igeletele elwandle lolungasenshonalanga, busika nehlobo.

Lukha 11:13

Nome ningakalungi kodvwa niyakwati kupha bantfwabenu tintfo letinhle, kakhulu kangakanani-ke, Babe losezulwini uyawubanika Moya Longcwele labo labamcelako.”

Johane 16:3

Bayawukwenta konkhe loku, ngobe bangamati Babe, nami bangangati.

Johane 17:3

Kuphila lokuphakadze nguloku: kutsi bakwati wena, Nkulunkulu longuye yedvwa weliciniso, bamati naJesu Khristu lomtfumile.

Johane 3:16

Nkulunkulu walitsandza live kakhulu kangangekutsi wadzimate wanikela ngeNdvodzana yakhe lekukuphela kwayo, kuze kutsi nome ngubani lokholwa ngiyo angabhubhi, kodvwa abe nekuphila lokuphakadze.

Johane 4:14

Kepha lowo loyawunatsa emanti lengiyawumnika wona, angeke aphindze ome naphakadze; ngobe emanti lengiyawumnika wona, ekhatsi kuye ayawuba ngumtfombo wemanti laphuphumako, kube kuphila lokuphakadze.”

Johane 6:35

Jesu watsi kubo: “Mine ngisinkhwa sekuphila, lowo lota kimi, angeke alambe; nalowo lokholwa ngimi, angeke aphindze ome.

Johane 6:51

Mine ngisinkhwa lesinekuphila lesehla ezulwini, umuntfu nakadla lesinkhwa uyawuphila ingunaphakadze. Futsi-ke lesinkhwa, lengitasinikelela kuphila kwelive, siyinyama yami.”

Imisebenti yebaPhostoli 9:11

INkhosi yatsi kuye: “Tilungiselele kuhamba uye eSitaladini Lesicondzile, endlini yaJudasi ucele indvodza yaseThasusi libito layo nguSawula. Uyathandaza.

KubaseRoma 8:32

Yena longazange ayigodle iNdvodzana yakhe, kodvwa wayinikela ngenca yetfu sonkhe, pho, akayusinika yini tonkhe tintfo mahhala kanye nayo?

1 kubaseKorinthe 1:30

Yena ungumtfombo wemphilo yenu kuJesu Khristu, lamenta waba kuhlakanipha kwetfu, nekulunga, nekungcweliswa, kanye nekuhlengwa.

1 kubaseKorinthe 10:4

Bonkhe banatsa sinatfo sinye saMoya, ngobe banatsa edvwaleni laMoya lelabalandzela. Yebo, lelo dvwala lalinguKhristu.

2 kubaseKorinthe 9:15

Akabongwe Nkulunkulu ngesipho sakhe lesingachazeki.

Kubase-Efesu 2:8

Empeleni kusindziswa kwenu ngekukholwa kuya ngemusa, futsi loko akuveli kini, sipho nje saNkulunkulu.

KumaHebheru 6:4

Kukhona labake bakhanyiselwa, banambitsa sipho sasezulwini, badzimate baba nesabelo saMoya Longcwele.

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.

Sembulo 21:6

Wase utsi kimi: “Sekwentekile. Mine ngingu-Alfa na-Omega, sicalo nesiphetfo. Lowo lowomile ngiyawumnika lilungelo lekunatsa mahhala emtfonjeni wemanti ekuphila.

Sembulo 22:17

Moya namakoti batsi: “Kota!” Wonkhe umuntfu lovako akatsi: “Kota!” Lowo lowomile akete; nalowo lofuna emanti ekuphila, akawanatse mahhala.

Sembulo 7:17

Ngobe liWundlu laNkulunkulu lelisenkhabeni yesihlalo sebukhosi, liyawubelusa, libaholele emitfonjeni yemanti ekuphila. Nkulunkulu uyakwesula tonkhe tinyembeti tabo emehlweni abo.”