Johane 3:5 - Siswati 1996 Bible

⁵ Jesu wamphendvula watsi: “Ngicinisile, ngicinisile, ngitsi kuwe: Ngaphandle kwekutsi umuntfu atalwe ngemanti nangaMoya, angeke angene embusweni waNkulunkulu.

Johane 3:5 Referencias Cruzadas

Matewu 18:3

watsi: “Ngicinisile, ngitsi kini: Naningaphendvuki nibe njengebantfwana, ningeke ningene embusweni welizulu.

Matewu 19:24

Futsi ngitsi kini: Kulula kutsi likamela lingene embotjeni yenyalitsi, kunekutsi umuntfu lonjingile angene embusweni waNkulunkulu.”

Matewu 21:31

Ngumuphi-ke emkhatsini wabo bobabili lowenta intsandvo yeyise?” Baphendvula batsi: “Ngulona wesibili.” Wase utsi: “Ngicinisile, ngitsi kini: Batselisi, netingwadla, netiphingi bayanengcelela embusweni waNkulunkulu.

Matewu 28:19

Ngako-ke hambani, nente tive tonkhe tibe bafundzi bami, nibabhabhatise egameni leYise, neleNdvodzana, nelaMoya Longcwele,

Matewu 3:11

“Mine nginibhabhatisa ngemanti, kubonakalisa kuphendvuka; kepha lona longilandzelako unemandla kakhulu kunami, mine lengingakafaneli nekutsi ngingaphatsa tincabule takhe; yena utawunibhabhatisa ngaMoya Longcwele nangemlilo.

Matewu 5:20

Ngobe ngiyanitjela impela ngitsi: Ngaphandle kwekutsi kulunga kwenu kwendlule kwetati temtsetfo nekwebaFarisi, ningeke ningene embusweni welizulu.”

Makho 10:14

Kodvwa watsi kube akubone loko Jesu, watfukutsela watsi kubo: “Vumelani bantfwana bete kimi, ningabavimbeli, ngobe umbuso waNkulunkulu walabanjalo.

Makho 16:16

“Lowo lokholwako abhajatiswe, uyawusindziswa; kodvwa lowo longakholwa, uyawulahlwa.

Makho 9:47

Nangabe liso lakho likonisa, likupulute ulilahle khashane! Kuncono umane ungene embusweni waNkulunkulu uneliso linye, kunekutsi ube nemehlo omabili kodvwa uyewulahlwa esihogweni.

Lukha 13:24

“Phikelelani kungena ngemnyango lomncane; ngobe banyenti bantfu labatakwetama kungena ngawo, kodvwa bayakwehluleka.

Lukha 13:3

Cha! Nginitjela kutsi, nangabe nani ningatishiyi tono tenu, niyawubhubha njengabo.

Lukha 13:5

Cha! Nginitjela kutsi, nangabe nani ningashiyi tono tenu, niyawubhubha njengabo.”

Johane 1:13

Abazange batalwe ngengati, nangenyama, nangentsandvo yendvodza, kodvwa batalwa nguNkulunkulu.

Johane 3:3

Jesu watsi kuye: “Ngicinisile, ngicinisile, ngitsi kuwe: Ngaphandle kwekutsi umuntfu atalwe kabusha ngekwasezulwini, angeke awubone umbuso waNkulunkulu!”

Johane 3:4

Nikhodemu wabuta watsi: “Kodvwa umuntfu losamdzala angatalwa njani kabusha? Angangena yini ngekwesibili esiswini senina aphindze atalwe?”

Imisebenti yebaPhostoli 2:38

Phetro wabaphendvula watsi: “Phendvukani nibhajatiswe nonkhe ngamunye ngamunye egameni laJesu Khristu, kuze nitsetselelwe tono tenu nemukeliswe nesipho lesinguMoya Longcwele.

Imisebenti yebaPhostoli 3:19

Ngako, phendvukani, nibuyele kuNkulunkulu, kuze esule licala letono tenu,

KubaseRoma 14:17

Ngobe umbuso waNkulunkulu awusiko kudla nekunatsa, kepha ukulunga, nekuthula, nekujabula kuMoya Longcwele.

KubaseRoma 8:2

Ngobe umtsetfo waMoya wekuphila lokukuKhristu Jesu ungikhululile emtsetfweni wesono newekufa.

1 kubaseKorinthe 15:50

Nginitjela naku, bazalwane bami, kutsi inyama nengati akunawulidla lifa lembuso waNkulunkulu, nekubola akulidli lifa lelingaboli.

1 kubaseKorinthe 2:12

Kodvwa tsine asikanikwa wona umoya welive; kepha sinikwe Moya lovela kuNkulunkulu, khona sitekwati lesikuphiwe nguNkulunkulu ngemusa wakhe.

1 kubaseKorinthe 6:11

Babenjalo labanye emkhatsini wenu. Kodvwa-ke nyalo senagezwa, nangcweliswa, nemukeleka kuNkulunkulu kutsi nilungile egameni leNkhosi Jesu Khristu nangaMoya waNkulunkulu wetfu.

KubaseGalathiya 6:15

Ngobe kusoka nekungasoki akusilutfo kodvwa kuphela kudalwa kabusha.

Kubase-Efesu 5:26

kuze atelingcwelisa alihlambulule ngesigezo semanti, ngelivi,

1 yaPhetro 1:2

Ngekwatinchanti kwakhe Nkulunkulu uYise wanikhetsa ngekuningcwelisa ngaMoya Longcwele, kuze nilalele Jesu Khristu nihlantwe ngengati yakhe. Shangatsi umusa nekuthula kungandziswa kakhulu kini!

1 yaPhetro 3:21

Emanti wona emele umbhabhatiso. Umbhabhatiso awusiwo wekususa insila yemtimba, kodvwa wekucela nembeza lomsulwa kuNkulunkulu. Lombhabhatiso uyanisindzisa ngekuvuka kwaJesu Khristu ekufeni.

1 yaJohane 2:29

Nanati kutsi ulungile, ningahlala nineliciniso lekutsi wonkhe lowenta kulunga, utelwe nguye.

1 yaJohane 5:1

Wonkhe umuntfu lokholwa kutsi Jesu unguKhristu, ungumntfwana waNkulunkulu; umuntfu lotsandza umtali, utsandza nemntfwanakhe futsi.