Johane 3:36 - Siswati 1996 Bible

³⁶ Lokholwa yiNdvodzana, unekuphila lokuphakadze; kodvwa longakholwa yiNdvodzana, ute kuphila lokuphakadze; kodvwa lulaka lwaNkulunkulu lulengela etikwakhe.”

Johane 3:36 Referencias Cruzadas

Jobe 33:28

Uwephulile umphefumulo wami kutsi ungayi emgodzini, sengitawuhlala ngijatjuliswa kukhanya.’

Tihlabelelo 2:12

Khotsamani etinyaweni tendvodzana, ingadzimate initfukutselele, nifele endleleni, ngobe lulaka lwayo luvutsa masinyane. Babusisiwe bonkhe lababalekela kuyo.

Tihlabelelo 36:9

ngobe nguwe umtfombo wekuphila, kukhanya sikubona ekukhanyeni kwakho.

Tihlabelelo 49:19

utawuhamba aye kubakubo lase bafa, lapho kunebumnyama baphakadze.

Habakhuki 2:4

“Nasi sembulo: Lotiphakamisako angeke aphephe, kodvwa lolungile uyawuphila ngekukholwa kwakhe.”

Numeri 32:11

‘Njengobe bangazange bangilandzele ngenhlitiyo yonkhe, kute namunye wemadvodza, kusukela kulaneminyaka lengema-20 kuya etulu, laphuma eGibhithe layawulibona lelive lengaletsembisa ngekufunga ku-Abrahama, na-Isaka, naJakobe;

Matewu 25:46

Labo-ke bayawuhamba baye ekujezisweni kwaphakadze; kodvwa labalungile bayakuya ekuphileni kwaphakadze.”

Makho 16:16

“Lowo lokholwako abhajatiswe, uyawusindziswa; kodvwa lowo longakholwa, uyawulahlwa.

Lukha 2:30

ngobe emehlo ami asayibonile insindziso yakho

Lukha 3:6

Bonkhe bantfu bayakuyibona isindziso yaNkulunkulu!’ ”

Johane 1:12

Kepha bonkhe labamemukela, ngekukholwa egameni lakhe, wabapha emandla ekutsi babe bantfwana baNkulunkulu.

Johane 10:28

Ngitinika kuphila lokuphakadze, futsi tingeke tisabhubha naphakadze, kute nalongatihlwitsa esandleni sami.

Johane 3:3

Jesu watsi kuye: “Ngicinisile, ngicinisile, ngitsi kuwe: Ngaphandle kwekutsi umuntfu atalwe kabusha ngekwasezulwini, angeke awubone umbuso waNkulunkulu!”

Johane 4:36

Lovunako uyaholelwa, abutse sivuno kube kuphila lokuphakadze, kuze lohlanyelako ajabule kanye nalowo lovunako.

Johane 5:24

“Ngicinisile, ngicinisile, ngitsi kini: Lowo lova livi lami akholwe ngulongitfumile, unekuphila lokuphakadze. Akayi ekwehlulelweni, kodvwa sewuphumile ekufeni, wangena ekuphileni.

Johane 6:58

Lesi-ke sinkhwa lesehla ezulwini, asifanani nesinkhwa lesadliwa bokhokho benu, babuye bafa. Lodla lesinkhwa uyawuphila kuze kube phakadze.”

Johane 8:51

Ngicinisile, ngicinisile, ngitsi kini: Nangabe umuntfu agcina livi lami, angeke akubone kufa nini nanini.”

Imisebenti yebaPhostoli 14:2

Kepha emaJuda labengakholwa afaka lulwimi lolubi kubetive kuze bavukele bazalwane.

KubaseRoma 4:15

Umtsetfo uletsa intfukutselo; kodvwa lapho kute umtsetfo khona, kute nekuwephula.

KubaseRoma 5:9

Sesentiwe ngengati yaJesu semukeleka kuNkulunkulu kutsi silungile, ngetulu kwaloko siyawusindziswa ngaye elulakeni lwaNkulunkulu.

KubaseRoma 8:1

Sekute kulahlwa kulabo labakuKhristu Jesu.

KubaseGalathiya 3:10

Bonkhe labetsembele ekwenteni lokufunwa ngumtsetfo bangephansi kwesicalekiso, ngobe kubhaliwe kutsi: “Bacalekisiwe bonkhe labangagcini konkhe lokubhaliwe emculwini wemtsetfo, kutsi bakwente.”

Kubase-Efesu 5:6

Ningakhohliswa ngumuntfu ngemavi lalite, ngobe ngenca yaleto tintfo lulaka lwaNkulunkulu lwehlela etikwalabangamlaleli.

1 kubaseThesalonika 1:10

Nonkhe nilindzele kuchamuka kweNdvodzana yakhe ezulwini, layivusa kulabafile. LeNdvodzana nguJesu losikhulula elulakeni lolutako.

1 kubaseThesalonika 5:9

Ngobe Nkulunkulu akasimiselanga kwehlelwa lulaka lwakhe, kodvwa wasimisela kutsi sitfole insindziso ngeNkhosi yetfu Jesu Khristu,

KumaHebheru 10:29

Nicabanga kutsi siyawuba sikhulu kangakanani-ke sijeziso salowo logcobagcoba iNdvodzana yaNkulunkulu, edzelele ingati yesivumelwane lahlanjululwe ngayo, etfuke Moya wesihawu?

KumaHebheru 2:3

Pho, tsine siyawuphunyula njani, nasingakunaki lokusindziswa lokungaka? Kwakhulunywa yiNkhosi kucala, kwaciniswa kitsi ngulabo labayiva.

KumaHebheru 3:18

Bobani labo labafungela Nkulunkulu kutsi bangeke basangena ekuphumuleni kwakhe? Empeleni ngulabo lababengamlaleli.

KumaHebheru 3:19

Siyabona-ke kutsi abazange bangene kuko ngenca yekungakholwa kwabo.

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”