Johane 3:3 - Siswati 1996 Bible

³ Jesu watsi kuye: “Ngicinisile, ngicinisile, ngitsi kuwe: Ngaphandle kwekutsi umuntfu atalwe kabusha ngekwasezulwini, angeke awubone umbuso waNkulunkulu!”

Johane 3:3 Referencias Cruzadas

Jeremiya 5:21

Lalelani naku, nine bantfu labatilima nalabangenangcondvo, labatsi banemehlo kodvwa babe bangaboni, labatsi banetindlebe kodvwa babe bangeva:

Hezekeli 36:26

Ngiyawuninika inhlitiyo lensha, ngifake umoya lomusha ekhatsi kini; ngiyawuyikhipha inhlitiyo lelitje kini, ngininike inhlitiyo yenyama.

Matewu 16:17

Jesu waphendvula watsi kuye: “Ubusisiwe wena Simoni waJohane, ngobe loko awukakwembulelwa ngumuntfu kepha nguBabe losezulwini.

Matewu 19:24

Futsi ngitsi kini: Kulula kutsi likamela lingene embotjeni yenyalitsi, kunekutsi umuntfu lonjingile angene embusweni waNkulunkulu.”

Matewu 21:31

Ngumuphi-ke emkhatsini wabo bobabili lowenta intsandvo yeyise?” Baphendvula batsi: “Ngulona wesibili.” Wase utsi: “Ngicinisile, ngitsi kini: Batselisi, netingwadla, netiphingi bayanengcelela embusweni waNkulunkulu.

Matewu 5:18

“Ngicinisile, ngitsi kini: Kuyakudzimate kwendlule lizulu nemhlaba seloku kute ngisho nalelincane nje lichashatana lelitawususwa emtsetfweni, kuze kufezeke konkhe.

Makho 10:14

Kodvwa watsi kube akubone loko Jesu, watfukutsela watsi kubo: “Vumelani bantfwana bete kimi, ningabavimbeli, ngobe umbuso waNkulunkulu walabanjalo.

Makho 9:47

Nangabe liso lakho likonisa, likupulute ulilahle khashane! Kuncono umane ungene embusweni waNkulunkulu uneliso linye, kunekutsi ube nemehlo omabili kodvwa uyewulahlwa esihogweni.

Johane 1:13

Abazange batalwe ngengati, nangenyama, nangentsandvo yendvodza, kodvwa batalwa nguNkulunkulu.

Johane 1:5

Lokukhanya kukhanya ebumnyameni, bumnyama abukakwemukeli.

Johane 1:51

Wase utsi kuye: “Ngicinisile, ngicinisile, ngitsi kini: Nitawubona lizulu livulekile netingilosi taNkulunkulu tehla tenyuka etikweNdvodzana yeMuntfu.”

Johane 12:40

“Nkulunkulu sewuphumphutsekise emehlo abo, netingcondvo tabo sewutivalile, kuze emehlo abo angaboni, netingcondvo tabo tingacondzisisi, bangabe baseta kimi, kuze ngitebaphilisa, kusho iNkhosi.”

Johane 3:4

Nikhodemu wabuta watsi: “Kodvwa umuntfu losamdzala angatalwa njani kabusha? Angangena yini ngekwesibili esiswini senina aphindze atalwe?”

2 kubaseKorinthe 4:4

Ngobe kubo labangakholwa nkulunkulu walomhlaba uphumphutsekise tingcondvo tabo, kuze kungasi kubo kukhanya kweliVangeli lenkhatimulo yaKhristu, lofute Nkulunkulu.

2 kubaseKorinthe 5:17

Ngako-ke nangabe umuntfu akuKhristu, usidalwa lesisha; tintfo letindzala setendlulile, konkhe sekwentiwe kwaba kusha.

KubaseGalathiya 6:15

Ngobe kusoka nekungasoki akusilutfo kodvwa kuphela kudalwa kabusha.

Kubase-Efesu 2:1

Univusile nani lebenifile ngenca yetiphambuko netono tenu,

Dutheronomi 29:4

kodvwa kuze kube ngulamuhla Simakadze akakaniniki ingcondvo lecondzako nemehlo labonako nome tindlebe letivako.

kuThithusi 3:5

wasisindzisa, hhayi ngobe besente imisebenti yekulunga, kodvwa ngesihawu sakhe. Wasisindzisa, wasigeza ngekusitala kabusha nangekusenta busha ngaMoya Longcwele,

YaJakobe 3:17

Kodvwa kuhlakanipha lokuchamuka ngetulu kwekucala kumsulwa, bese kuba nekuthula, nekutfobeka, nekulalela, kugcwele bubele netitselo letihle; akunalo lubandlululo nekutentisa.

1 yaPhetro 1:3

Akabongwe Nkulunkulu, longuYise weNkhosi yetfu Jesu Khristu, lowasitala kabusha ngemusa wakhe lomkhulu, kuze sibe nelitsemba leliphilako ngekuvuswa kwaJesu Khristu kulabafile.

1 yaJohane 2:29

Nanati kutsi ulungile, ningahlala nineliciniso lekutsi wonkhe lowenta kulunga, utelwe nguye.

1 yaJohane 3:9

Umuntfu lotelwe nguNkulunkulu akoni, ngobe simo saNkulunkulu sikuye; ngako-ke angeke one, ngobe ungumntfwana waNkulunkulu.

1 yaJohane 5:1

Wonkhe umuntfu lokholwa kutsi Jesu unguKhristu, ungumntfwana waNkulunkulu; umuntfu lotsandza umtali, utsandza nemntfwanakhe futsi.

1 yaJohane 5:18

Siyati kutsi wonkhe umuntfu lotelwe nguNkulunkulu akoni, ngobe iNdvodzana yaNkulunkulu iyamgcina, naLomubi akamtsintsi.

1 yaJohane 5:4

Wonkhe umuntfu lotelwe nguNkulunkulu uyalincoba live. Kuncoba lesincoba ngako live: kukholwa kwetfu.

Sembulo 3:14

“ ‘Bhalela ingilosi yelibandla laseLawodisiya utsi: “ ‘Nali livi leliphuma kuye longu-Amen; nguye longufakazi lowetsembekile nalocinisile, ungumtfombo wendalo yaNkulunkulu utsi: