Johane 3:29 - Siswati 1996 Bible

²⁹ Lowo lonamakoti ungumyeni; kepha umngani wemyeni nakaliva livi lemyeni, ujabula kakhulu. Ngako-ke lenjabulo yami seyiphelele.

Johane 3:29 Referencias Cruzadas

Ingoma Yetingoma 3:11

Phumani, nine madvodzakati aseSiyoni, nitewubukela inkhosi Solomoni, nasafake umchele wakhe, umchele lawetfweswa ngunina ngelilanga lagidzisa ngalo umfati, mhlazana inhlitiyo yakhe ijabulile.

Ingoma Yetingoma 5:1

Sengifikile engadzeni yami, dzadzewetfu, mntfwanaketfu, ngibutse imure yami nemakha ami. Ngiludlile luhlanga lwami lwetinyosi neluju; sengilinatsile liwayini lami nelubisi lwami. Dlanini, bomngami, ninatse; natsisisani lutsandvo, nine titsandzani.

Isaya 54:5

Ngobe uMenti wakho yindvodza yakho, nguSimakadze longuSomandla libito lakhe, Longcwele waka-Israyeli unguMhlengi wakho, ubitwa ngekutsi nguNkulunkulu wemhlaba wonkhe.

Isaya 66:11

Ngobe niyawumunya kuyo, neneliswe ngemabele ayo ladvudvutako; niyawunatsa neneliseke, nitijabulise ngenala yayo lenkhulu.”

Jeremiya 2:2

“Hamba uyewumemetela eJerusalema, ukhulume beva utsi: Naku lokushiwo nguSimakadze, utsi: “ ‘Ngiyakukhumbula kutinikela kwakho ebusheni bakho, kutsi wawungitsandza kanjani usengumakoti, wangilandzela kulo lonkhe lihlane, eveni lelalingakahlanyelwa lutfo.

Hezekeli 16:8

“ ‘Kamuva ngatsi ngengca ngakuwe, ngatsi ngiyabuka ngakuwe, ngabona kutsi sewukhulile, sewungagana, ngakumbonya ngesembatfo sami ngakwembesa ngaso, ngivala bungcunu bakho. Ngakunika sifungo sami lesicinile, ngangena esivumelwaneni nawe, wena wase uba wami, kusho iNkhosi Simakadze.

Hoseya 2:19

Ngiyawukwendzisela kimi kuze kube phakadze naphakadze; ngiyawukwendzisa ngekulunga, nangekwemtsetfo, nangekwelutsandvo, nangesihawu.

Matewu 22:2

“Umbuso welizulu ungafaniswa nenkhosi leyalungisela indvodzana yayo lidzili lemshado.

Matewu 25:1

“Ngaleso sikhatsi umbuso welizulu uyawufanana netintfombi letilishumi letatsatsa tibane tato, taphuma tayawuhlangabeta umyeni.

Matewu 9:15

Jesu watsi kubo: “Likhetfo lingakhala yini umkhwenyane asenalo? Kodvwa kutawufika sikhatsi lapho umkhwenyane atawususwa kulo, kube ngukhona-ke litawuzila.

Lukha 15:6

Atsi nase afike ekhaya, ameme tihlobo takhe nabomakhelwane atsi kubo: ‘Tfokotani kanye nami, ngobe sengiyitfolile imvu yami lebeyilahlekile.’ ”

Johane 15:11

“Senginitjele konkhe loku, kuze kutsi kujabula kwami kuhlale kini, nekutsi kujabula kwenu kupheleliswe.

Johane 16:24

Sekuze ngunyalo anikaceli lutfo egameni lami. Celani nitawuphiwa, kuze kutfokota kwenu kuphelele.”

Johane 17:13

“Kodvwa manje sengita kuwe, letintfo ngitikhuluma ngiselapha emhlabeni, khona batewuba nekutfokota lokuphelele etinhlitiyweni tabo.

Johane 3:30

Kufanele akhule yena, nginciphe mine.”

2 kubaseKorinthe 11:2

Nginesikhwele ngani, sikhwele saNkulunkulu; ngobe nganendzisa njengentfombi lengenasici, nganetfula kuKhristu, lekunguyona ndvodza yenu leyodvwana.

KubaseFiliphi 2:2

gcwalisani kutfokota kwami ngekutsi nibe mcondvo munye, nelutsandvo lunye, nenhlitiyo yinye, nemgomo munye.

1 yaJohane 1:4

Ngako-ke sibhala loku kuze kutsi kujabula kwetfu kuphelele.

2 yaJohane 1:12

Nome nginalokunyenti lenginganitjela kona, angite ngakubhala phansi; kepha ngetsemba kutsi ngitakuta ngitenibona ngikhulume nani umlomo nemlomo, khona sitewujabula ngalokuphelele.

Sembulo 21:9

Lenye yaletingilosi letisikhombisa letatiphetse titja letatigcwele tinhlupheko tekugcina letisikhombisa yeta kimi, yafike yatsi: “Kota, ngitekukhombisa makoti, umkaWundlu.”