Johane 21:18 - Siswati 1996 Bible

¹⁸ Ngicinisile, ngicinisile, ngitsi kuwe: Ngesikhatsi usemusha, wawuvele ubophe libhande lakho uye lapho utsandza khona, kodvwa nase umdzala uyakwelula tandla, lomunye akubophe, akutsatse, akuyise lapho ungatsandzi khona.”

Johane 21:18 Referencias Cruzadas

Lukha 12:37

Maye, tibusisekile leto tisebenti letiyakukhandvwa ngumnumzane wato tilindzele tingakalali! Ngicinisile, ngitsi kini, uyawubopha acinise libhande lakhe elukhalweni, atihlalise phansi, atiphe kudla.

Johane 13:36

Simoni Phetro wambuta watsi: “Nkhosi, uyaphi?” Jesu wamphendvula watsi: “Kwamanje ungeke ungilandzele lapho ngiya khona, kodvwa uyawungilandzela kamuva.”

Johane 21:17

Waphindza futsi kwesitsatfu wambuta watsi: “Simoni, msa waJohane, uyangitsandza yini?” Phetro wadzabuka enhlitiyweni yakhe, ngobe Jesu abesambute katsatfu atsi: “Uyangitsandza yini?” Phetro wamphendvula watsi: “Nkhosi, wati konkhe nje wena, uyati kutsi ngiyakutsandza.” Jesu watsi kuye: “Yondla timvu tami.

Johane 21:19

Loko wakusho akhombisa kufa Phetro labetawudvumisa Nkulunkulu ngako. Emvakwaloko Jesu watsi kuye: “Ngilandzele!”

Imisebenti yebaPhostoli 21:11

Wefika kitsi watsatsa libhande laPawula walibopha etinyaweni nasetandleni takhe watsi: “Naku lokushiwo nguMoya Longcwele: ‘Umnikati walelibhande utawuboshwa ngemaJuda kanje eJerusalema amnikele etandleni tebetive.’ ”

2 kubaseKorinthe 5:4

Ngobe nasisekulo lelidlangala lelingumtimba wetfu, siyabubula sikhale ngaphansi kwemtfwalo. Asifuni kuwushiya lomtimba lomdzala, kodvwa sifuna kwemukela kuphephela kulomusha, kuze kutsi loko lokubhubhako kumitwe kuphila.