Johane 21:12 - Siswati 1996 Bible

¹² Jesu watsi kubo: “Wotani nitewudla.” Emkhatsini wabo bafundzi kwabate ngisho namunye lowaba nesibindzi sekumbuta kutsi: “Wena kambe ungubani?” Bavele batatela nje kutsi yiNkhosi.

Johane 21:12 Referencias Cruzadas

Matewu 22:46

Kwabate ngisho namunye lowaba nelivi labengamphendvula ngalo; kusukela ngalelo langa kute lowaphindze waba nesibindzi sekumbuta.

Makho 9:32

Kodvwa abazange bayive leyo nkhulumo, besaba nekumbuta.

Lukha 9:45

Kodvwa abazange bayive lenkhulumo kutsi isho kutsini, ngobe beyifihlakele kubo futsi ingevakali, kantsi babesaba nekumbuta ngalendzaba.

Johane 16:19

Jesu bekati kutsi bafuna kumbuta, ngako-ke watsi kubo: “Senibutana ngaloku lengikushoko yini kwekutsi: ‘Kusetawuba sikhashana nje ningabe nisangibona; kantsi emvakwesikhashana nitawuphindze ningibone futsi’?

Johane 21:11

Simoni Phetro waya esikebheni, wadvonsa linetha lekudweba, lelaligcwele tinhlanti letinkhulu, tatili-153. Nome-ke tatitinyenti kangako, kodvwa linetha alizange lidzabuke.

Johane 21:15

Batsi sebacedzile kudla, Jesu watsi kuPhetro: “Simoni, msa waJohane, ungitsandza ngetulu kwalaba yini?” Waphendvula watsi: “Yebo, Nkhosi, uyati kutsi ngiyakutsandza.” Jesu watsi kuye: “Yondla emawundlu ami.”

Johane 4:27

Kwatsi kusenjalo kwefika bafundzi bakhe. Bamangala kakhulu nabamkhandza akhuluma nalomfati. Kodvwa kute namunye lowase watsi kuye: “Ufunani?” nome ambute atsi: “Ukhulumelani nalomfati?”

Imisebenti yebaPhostoli 10:41

noko akabonwanga ngabo bonkhe bantfu, kodvwa ngitsi kuphela lesibofakazi, tsine lesasivele sikhetfwe nguNkulunkulu. Sadla sanatsa naye ngemuva kwekuvuswa kwakhe nguNkulunkulu ekufeni.