Johane 20:25 - Siswati 1996 Bible

²⁵ Ngako-ke laba labanye bafundzi base bayamtjela batsi: “Siyibonile iNkhosi.” Kodvwa yena watsi kubo: “Ngaphandle kwekutsi ngibone emanceba etipikili etandleni takhe, ngifake umuno wami lapho bekunetipikili khona, ngifake nesandla sami emhlubulweni wakhe, ngeke ngikholwe.”

Johane 20:25 Referencias Cruzadas

Jobe 9:16

Ngisho nome bengingambita avume ete, angiboni kutsi abengangilalela.

Tihlabelelo 22:16

Yebo-ke, tinja tingihace ndzawo tonkhe, nesicumbi salababi singitungeletile, singibhobose tandla netinyawo.

Tihlabelelo 78:32

Etikwako konkhe loku bajinge bachubeka nekona kwabo, abazange bakholwe netimangaliso takhe.

Matewu 27:42

“Wabasindzisa labanye, kodvwa yena angeke atisindzise! Kantsi akasiyo iNkhosi yema-Israyeli yini? Akehle phela! Nangabe angehla esiphambanweni, sitawukholwa nguye!

Makho 16:11

Kodvwa batsi nome beva kutsi uyaphila nekutsi yena sewumbonile, bangete bamkholwa kahle.

Makho 16:13

Babuyela emuva bafike batjela laba labanye bafundzi, kodvwa nabo abazange babakholwe.

Makho 16:14

Emvakwaloko Jesu watibonakalisa kubafundzi bakhe labebali-11, wabakhandza basadla. Wabasola ngekungakholwa kwabo nangebulukhuni betinhlitiyo tabo. Phela bebangabakholwa labo lababetsi bambonile kutsi sewuvukile.

Lukha 24:25

Jesu wase utsi kubo: “Maye, nilibele, nekukholwa kwenu kubutsakatsaka ekwemukeleni loko lokwashiwo baphrofethi!

Johane 1:41

Yena watfola kucala umnakabo, Simoni, watsi kuye: “Sesimtfolile Mesiya.” (Lelibito lisho kutsi: “Khristu.”)

Johane 20:27

Jesu watsi kuTomase: “Faka umuno wakho la, ubone tandla tami; welule nesandla sakho, usifake emhlubulweni wami. Khawula kungakholwa, kodvwa bani ngulokholwako!”

Johane 21:7

Lomfundzi labetsandvwa nguJesu watsi kuPhetro: “YiNkhosi!” Simoni Phetro neva kutsi yiNkhosi, waphutfuma timphahla takhe, wembatsa, (phela abekhumulele kusebenta angcunu,) wase ugcumkela emantini.

Johane 6:30

Base batsi kuye: “Sibonakaliso sini semandla longasenta kuze sibone, sitewukholwa nguwe? Msebenti muni lowentako?

KumaHebheru 3:12

Caphelani-ke, bazalwane, kutsi kubete emkhatsini wenu lonenhlitiyo lembi nalengakholwa, longahle ahlubuke loNkulunkulu lophilako.

KumaHebheru 3:18

Bobani labo labafungela Nkulunkulu kutsi bangeke basangena ekuphumuleni kwakhe? Empeleni ngulabo lababengamlaleli.