Johane 20:24 - Siswati 1996 Bible

²⁴ Lomunye webafundzi bakhe labali-12, Tomase, lekwakutsiwa liPhahla, abengekho emkhatsini wabo nakufika Jesu kubo.

Johane 20:24 Referencias Cruzadas

Matewu 10:3

Filiphu naBhatalomewu; Tomase naMatewu, umtselisi; Jakobe, umsa wa-Alfiyose, naThadiyosi;

Matewu 18:20

“Ngobe lapho kuhlangene khona lababili nome labatsatfu egameni lami, nami ngikhona emkhatsini wabo.”

Johane 11:16

Tomase, labebitwa ngekutsi liPhahla, watsi kulaba labanye bafundzi: “Natsi asihambe kanye naye, kuze sitewufa kanye naye.”

Johane 14:5

Tomase watsi kuye: “Nkhosi, asati lapho uya khona. Indlela singayati njani?”

Johane 21:2

Simoni Phetro, naTomase, lotsiwa liPhahla, naNathanayeli waseKhana laseGalile, nemadvodzana aZebedi, nalabanye bafundzi baJesu lababili, bonkhe laba babendzawonye.

Johane 6:70

Jesu wabaphendvula watsi: “Anginikhetsanga naba li-12 yini nine? Noko lomunye wenu ungusathane.”

Johane 6:71

Abekhuluma ngaJudasi, umsa waSimoni Skariyothi, ngobe nguye labetamtsengisa, naye futsi abengulomunye walabo labebali-12.

KumaHebheru 10:25

Singakuyekeli kuhlangana ndzawonye, njengobe labanye sebanemkhuba wekungahlangani; kodvwa asikhutsatane kakhulu, njengobe nani niyabona kutsi lilanga selisondzele.