Johane 20:22 - Siswati 1996 Bible

²² Watsi kube asho njalo, wabaphefumulela watsi: “Yemukelani Moya Longcwele.

Johane 20:22 Referencias Cruzadas

Genesisi 2:7

Nkulunkulu Simakadze wase ubumba umuntfu ngelutfuli lwemhlabatsi, waphefumulela umoya wekuphila emakhaleni akhe; umuntfu wase uba ngumuntfu lophilako.

Jobe 33:4

Moya waNkulunkulu ungentile. Umphefumulo waSomandla unginika kuphila.

Tihlabelelo 33:6

Emazulu entiwa ngelivi laSimakadze, nako konkhe lokukuwo kwentiwa ngemoya wemlomo wakhe.

Hezekeli 37:9

Wakhuluma kimi, watsi: “Phrofetha emphefumulweni, phrofetha, ndvodzana yemuntfu, ukhulume kuwo, utsi: ‘Naku lokushiwo yiNkhosi Simakadze, itsi: Wena mphefumulo, chamuka emimoyeni yomine, uphefumulele kulaba lababulewe, khona batewuphila.’ ”

Johane 14:16

Ngiyawucela kuBabe kutsi aniphe lomunye uMdvudvuti kutsi abe kanye nani kuze kube phakadze,

Johane 15:26

“Kodvwa nasefikile uMcondzisi, Moya weliciniso, lengiyawumtfumela kini avela kuBabe, yena uyawufakaza ngami;

Johane 16:7

Kodvwa noko nginitjela liciniso: Kuncono kini kutsi ngihambe, ngobe nangingahambi, angeke ete kini uMeluleki. Kodvwa nangihamba, ngitamtfumela kini.

Johane 20:21

Jesu waphindza futsi watsi kubo: “Kuthula akube kini! Njengaloku Babe angitfumile mine, nami ngiyanitfuma.”

Johane 20:23

Nome ngubani lenimtsetselela tono, utsetselelwe; kantsi futsi nome ngubani leningamtsetseleli tono, akatsetselelwa.”

Johane 7:39

Jesu abekhuluma ngaMoya labebatawumemukela laba lababekholwa kuye, ngobe Moya abengakefiki, kwatise kutsi Jesu abesengakakhatimuliswa.

Imisebenti yebaPhostoli 10:47

“Labantfu sebemukele Moya Longcwele, njengobe natsi samemukela. Kepha ukhona yini longahle abavimbele kutsi babhajatiswe ngemanti?”

Imisebenti yebaPhostoli 19:2

wababuta watsi: “Namemukela yini Moya Longcwele ngesikhatsi nikholwa?” Baphendvula batsi: “Asizange sesive ngisho nekuva kutsi kukhona Moya Longcwele.”

Imisebenti yebaPhostoli 2:38

Phetro wabaphendvula watsi: “Phendvukani nibhajatiswe nonkhe ngamunye ngamunye egameni laJesu Khristu, kuze nitsetselelwe tono tenu nemukeliswe nesipho lesinguMoya Longcwele.

Imisebenti yebaPhostoli 2:4

Bonkhe bagcwaliswa ngaMoya Longcwele; base bakhuluma ngaletinye tilimi, njengobe Moya wabapha kuphumisela.

Imisebenti yebaPhostoli 4:8

Phetro agcwele Moya Longcwele wabaphendvula watsi: “Baholi, nani tibondza,

Imisebenti yebaPhostoli 8:15

Nase befikile, bawathandazela emakholwa kutsi emukele Moya Longcwele.

KubaseGalathiya 3:2

Ase ningitjele naku: Moya waNkulunkulu namemukela ngekwenta lokufunwa ngumtsetfo yini, nome namemukela ngekukholwa liVangeli lenaliva nalishunyayelwa?