Johane 20:19 - Siswati 1996 Bible

¹⁹ Kwatsi kusihlwa kwangalelo Sontfo bafundzi bakhe batikhiyele endlini ngekwesaba emaJuda, Jesu wefika kubo, bambona aseme emkhatsini wabo watsi: “Kuthula akube kini!”

Johane 20:19 Referencias Cruzadas

Tihlabelelo 122:8

Ngenca yebazalwane bami nebangani bami ngitsi: “Kuthula akwandze ngekhatsi kwakho.”

Matewu 10:13

Nangabe bantfu balowo muti banemukela, shiyani sibusiso senu sekuthula sihlale khona; kodvwa nangabe abanemukeli, sitsatseni lesibusiso senu sibuyele kini.

Matewu 18:20

“Ngobe lapho kuhlangene khona lababili nome labatsatfu egameni lami, nami ngikhona emkhatsini wabo.”

Makho 16:14

Emvakwaloko Jesu watibonakalisa kubafundzi bakhe labebali-11, wabakhandza basadla. Wabasola ngekungakholwa kwabo nangebulukhuni betinhlitiyo tabo. Phela bebangabakholwa labo lababetsi bambonile kutsi sewuvukile.

Johane 14:27

“Nginishiya nekuthula. Lokuthula lenginipha kona akufanani nesipho selive. Tinhlitiyo tenu tingabokhatsateka futsi tingesabi.

Johane 16:22

Kunjalo-ke nakini, kwamanje niselusizini, kodvwa ngitawuphindze nginibone futsi, tinhlitiyo tenu tiyawujabula kakhulu. Kute futsi umuntfu loyakunemuka loko kujabula kwenu.

Johane 16:33

Senginitjele loku, kuze nitewuba nekuthula kimi. Eveni niyawuhlupheka nibe nelusizi. Kodvwa manini sibindzi, ngobe mine ngilincobile live.”

Johane 20:21

Jesu waphindza futsi watsi kubo: “Kuthula akube kini! Njengaloku Babe angitfumile mine, nami ngiyanitfuma.”

Johane 20:26

Kwatsi sekwendlule liviki bafundzi bakhe bandzawonye futsi kuyona leyondlu, naTomase akhona, iminyango ikhiyiwe, Jesu wefika wema emkhatsini wabo, watsi: “Kuthula akube kini!”

Johane 21:1

Emvakwaloko Jesu waphindza watibonakalisa futsi kubafundzi bakhe ngaseLwandle lwaseThibheriyase. Loko wakwenta kanje:

Johane 21:14

Loku-ke bese kukwesitsatfu Jesu atibonakalisa kubafundzi bakhe emvakwekuvuka kwakhe kulabafile.

Johane 7:13

Noko bekute labekhulumela etulu, ngobe babesaba emaJuda.

Imisebenti yebaPhostoli 1:3

Emvakwekuhlupheka kwakhe kwaphela emalanga langema-40 avukile ekufeni. Wativeta kubo ngetindlela letinyenti letaticinisa ngalokungangabateki kutsi uyaphila; wabonwa ngabo akhuluma kubo ngembuso waNkulunkulu.

KubaseRoma 15:33

Nkulunkulu wekuthula akabe nani nonkhe. Amen.

1 kubaseKorinthe 15:5

nekutsi wabonwa nguKhefase, wase ubonwa ngulabali-12.

Kubase-Efesu 2:14

Ngobe yena ukuthula kwetfu, lowenta lokubili kwaba kunye, ngekufa kwakhe wabhidlita lubondza lwebutsa lolwalwehlukanisa.

Kubase-Efesu 6:23

Kuthula akube kubazalwane, nelutsandvo, kanye nekukholwa lokuvela kuNkulunkulu, longuBabe, naseNkhosini yetfu Jesu Khristu.

KubaseFiliphi 1:2

Akube kini umusa nekuthula lokuvela kuNkulunkulu, longuBabe wetfu, naseNkhosini Jesu Khristu.

2 kubaseThesalonika 3:16

Shangatsi iNkhosi lengumtfombo wekuthula inganinika kuthula ngaso sonkhe sikhatsi ngetindlela tonkhe. INkhosi ayibe nani nonkhe.

KumaHebheru 7:2

Abrahama wamnika kwelishumi kwako konkhe labekutfumbile. Lelibito lakhe lelitsi Melkhisedeki lisho kutsi: “INkhosi Yekulunga”; kantsi leli lelitsi iNkhosi yaseSalema lisho kutsi: “INkhosi Yekuthula”.

3 yaJohane 1:14

ngobe ngetsemba kutsi ngitakubona masinyane, sikhulume nawe umlomo nemlomo.

Sembulo 1:4

Lencwadzi iphuma kuJohane, iya emabandleni lasikhombisa lase-Asiya. Akube kini umusa nekuthula lokuvela kuye labekhona, nalokhona, nalotako, nakuyo imimoya lesikhombisa lesembikwesihlalo sakhe sebukhosi,