Johane 20:12 - Siswati 1996 Bible

¹² Wabona tingilosi letimbili tembetse lokumhlophe tihleti lapho bekunesidvumbu saJesu khona, lenye ingasenhloko, lenye ingasetinyaweni.

Johane 20:12 Referencias Cruzadas

2 Tikhronike 5:12

Onkhe emaLevi labebahlabeli: bo-Asafa, naHemani, naJeduthuni, nemadvodzana abo, kanye netihlobo tabo, bema ngasemphumalanga kwelilati. Babegcoke tingubo telineni lecolisakele bashaya emasimbali, nemahabhu, nemalire. Babehamba nebaphristi labali-120 lababeshaya emacilongo.

Danyela 7:9

“Ngatsi ngisabukile, tihlalo tebukhosi tabekwa ngabolonina, Lophila Phakadze Naphakadze wahlala kusakhe. Tembatfo takhe tatimhlophe njengangcocwane; tinwele tenhloko yakhe tatimhlophe njengeboya betimvu. Sihlalo sakhe sebukhosi sasivutsa emalangabi, nemasondvo aso onkhe abelavuka emalangabi.

Matewu 17:2

Jesu wagucuka lesinye simo embikwabo, buso bakhe bakhatimula njengelilanga, tingubo takhe taba mhlophe njengekukhanya.

Imisebenti yebaPhostoli 1:10

Babeloku babukisisile etulu nakahamba, kwase kubonakala emadvodza lamabili embetse letimhlophe eme eceleni kwabo.

Sembulo 3:4

Noko usenabo bantfu labambalwa lapho eSadesi labangakatingcolisi tingubo tabo, bayawuhamba nami bagcoke letimhlophe, ngobe vele bakufanele.

Sembulo 7:14

Ngatsi kulo: “Nkhosi, nguwe lobatiko.” Lase litsi kimi: “Laba-ke ngibo labaphume ekuhluphekeni lokukhulu. Bageze tingubo tabo taba mhlophe ngengati yeliWundlu.