Johane 2:4 - Siswati 1996 Bible

⁴ Jesu watsi kuye: “Make, ungena ngani emsebentini wami? Sikhatsi sami sisengakefiki.”

Johane 2:4 Referencias Cruzadas

2 Samuweli 16:10

Inkhosi yaphendvula yatsi: “Ningenelana ngani nami, nine madvodzana aSeruya? Nangabe acalekisa, ngobe kushito Simakadze kutsi akangicalekise, ngubani lonelilungelo lekumbuta atsi: ‘Ukwentelani loku?’ ”

2 Samuweli 19:22

Davide waphendvula watsi: “Ngihlangana ngani mine nani, nine madvodzana aSeruya? Kantsi lamuhla senigucuke naba titsa tami? Kufanele yini lamuhla kutsi kube khona lobulawako ka-Israyeli? Angati yini kutsi lamuhla ngimi inkhosi yaka-Israyeli?”

1 Emakhosi 17:18

Lomfelokati wakhuluma ku-Elija, watsi: “Ngoneni kuwe, muntfu waNkulunkulu? Kantsi lapha kami utele kutangikhumbuta sono sami, ubulale nendvodzana yami.”

Umshumayeli 3:1

Konkhe kunesikhatsi sako, yonkhe intfo leyentekako inesikhatsi sayo lapha emhlabeni:

Matewu 15:28

Ngako Jesu wamphendvula watsi: “Awu, make, kukholwa kwakho kukhulu! Akwenteke kuwe njengekufisa kwakho!” Indvodzakati yakhe yasindza ngaleso sikhatsi.

Matewu 8:29

Bamemeta batsi: “Sinamsebenti muni nawe, Ndvodzana yaNkulunkulu, sewutele kutesivisa buhlungu yini sikhatsi sisengakefiki?”

Lukha 2:49

Jesu wabaphendvula watsi: “Beningifunelani? Beningati yini kutsi kufanele ngibesemsebentini waBabe?”

Johane 12:23

Jesu wabaphendvula watsi: “Sesifikile sikhatsi sekutsi iNdvodzana yeMuntfu ikhatimuliswe.

Johane 13:1

Kwatsi sekutakusa kube lilanga lelilandzelwa nguMkhosi weliPhasika, Jesu ati kutsi sikhatsi sakhe sesifikile sekutsi awushiye lomhlaba aye kuYise, njengobe abebatsandzile bakhe emhlabeni, wabatsandza kwaze kwaba ngusekugcineni.

Johane 2:3

Kwatsi kube linatfwe liphele liwayini, unina waJesu weta kuye watsi: “Sebate liwayini.”

Johane 20:13

Tambuta tatsi: “Make, ukhalelani?” Watiphendvula watsi: “Sebatsetse iNkhosi yami, angati nekutsi bayibeke kuphi!”

Johane 20:15

Jesu wambuta watsi: “Make, ukhalelani? Ufuna bani?” Masinyane acabanga kutsi ngumlindzi wengadze, watsi kuye: “Nkhosi, nangabe utsetfwe nguwe, ngilayele lapho umbeke khona, ngitakuya ngimlandze.”

Johane 7:30

Ngako base bafuna kumbamba, kodvwa kute lowake wambeka sandla, ngobe sikhatsi sakhe sasisengakefiki.

Johane 7:6

Waphendvula Jesu watsi: “Sikhatsi sami asikefiki, kodvwa kini sonkhe sikhatsi silungile.

Johane 7:8

Nine yenyukani niye emkhosini, kepha mine ngingeke ngenyuke kwanyalo ngiye kulomkhosi, ngobe sikhatsi sami sisengakefiki.”

Johane 8:20

Jesu wakusho konkhe loku ngesikhatsi afundzisa asethempelini, lapho kwakubekwe khona emabhokisi eminikelo. Kute lowambopha, ngobe sikhatsi sakhe sasisengakefiki.

2 kubaseKorinthe 5:16

Ngako kusukela nyalo asiseyikwati muntfu ngekwenyama. Nome sake samati Khristu ngekwenyama nyalo asisamati kanjalo.

Dutheronomi 33:9

Wakhuluma ngeyise nenina watsi: ‘Anginandzaba nabo.’ Akazange abanake bomnakabo, wabatsalalisela bantfwabakhe. Kodvwa walilindza livi lakho, wasilondvolota nesivumelwane sakho.