Johane 2:11 - Siswati 1996 Bible

¹¹ Jesu wenta lesibonakaliso sakhe sekucala eKhana laseGalile, wabonakalisa bukhosi bakhe, bafundzi bakhe bakholwa nguye.

Johane 2:11 Referencias Cruzadas

1 Emakhosi 17:24

Lomfelokati watsi ku-Elija: “Manje sengiyati kutsi ungumuntfu waNkulunkulu, nekutsi livi laSimakadze leliphuma emlonyeni wakho liliciniso.”

Tihlabelelo 72:19

Alibongwe libito lakhe lenkhatimulo, libongwe kuze kube phakadze, shangatsi umhlaba wonkhe ungagcwala inkhatimulo yakhe. Amen! Yebo, Amen!

Tihlabelelo 96:3

Vakalisani bukhosi bakhe etiveni, nitjele tonkhe tive ngetimanga takhe.

Eksodusi 14:31

Atsi ema-Israyeli nabona emandla lamakhulu Simakadze labewakhombise ngekubhubhisa emaGibhithe, acalela phansi kwesaba Simakadze nekubeka litsemba lawo kuye nakuMosi, inceku yakhe.

Eksodusi 4:9

Nangabe abatikholwa totimbili letibonakaliso bangakwemukeli naloko lokushoko, ubokha emanti emfuleni iNayili uwatsele emhlabatsini lowomile. Lamanti ayawugucuka abe yingati.”

Umshumayeli 9:7

Hamba udle kudla kwakho ngenjabulo, unatse liwayini lakho ngenhlitiyo lejabulako, ngobe Nkulunkulu uyakuvumela kuloku lokwenta nyalo.

Isaya 40:5

Inkhatimulo yaSimakadze iyakwembulwa, nalo lonkhe luntfu luyakuyibona; ngobe umlomo waSimakadze sewukhulumile.”

Malakhi 2:2

Naningalaleli, futsi naningatimiseli ngenhlitiyo yenu kutsi nihloniphe Libito lami, ngitanitfumelela sicalekiso, netibusiso tenu ngiticalekise. Yebo, vele sengiticalekisile, ngobe anikatimiseli enhlitiyweni yenu kutsi ningihloniphe,” kusho Simakadze longuSomandla.

Johane 1:14

Livi waba ngumuntfu, wahlala kanye natsi, agcwele umusa neliciniso. Sayibona inkhatimulo yakhe, lengeyalotelwe yedvwa kuYise.

Johane 1:17

Umtsetfo waniketwa ngaMosi; umusa neliciniso kwavela ngaJesu Khristu.

Johane 1:43

Ngakusasa Jesu watimisela kuya eGalile. Watfola Filiphu watsi kuye: “Ngilandzele.”

Johane 1:50

Jesu wamphendvula watsi: “Ukholwa ngobe ngitsite kuwe ngakubona ungaphansi kwemkhiwa yini? Utawubona lokukhulu kunaloko.”

Johane 10:41

Bantfu labanyenti beta kuye batsi: “Ngempela Johane akazange asente nasinye sibonakaliso, kepha konkhe Johane lakusho ngalomuntfu kuliciniso.”

Johane 11:15

Ngiyanitfokotela kwati kutsi bengingekho kuye, kuze nikholwe; kepha asambeni siye kuye.”

Johane 11:47

Ngako baFarisi nebaphristi labakhulu bahlangana neLiqoqo batsi: “Senta njani? Lomuntfu wenta tibonakaliso letinyenti.

Johane 12:18

Ngiko nje sicuku seta samhlangabeta, ngobe sase sivile kutsi Jesu wente lesibonakaliso.

Johane 12:37

Kepha nome abetentile tibonakaliso letinyenti kangako embikwabo, abazange bakholwe kuye,

Johane 12:41

Isaya wakusho loko ngobe wabona inkhatimulo yeNkhosi, wase ukhuluma ngayo.

Johane 14:13

Ngiyakwenta nome ngabe yini leniyicelako egameni lami, kuze inkhatimulo yaBabe ibonakaliswe eNdvodzaneni.

Johane 16:27

Ngobe phela Babe ngekwakhe uyanitsandza, unitsandza ngobe niyangitsandza; futsi senikholiwe nekutsi ngiphuma kuNkulunkulu.

Johane 16:30

Manje sesiyati-ke kutsi wati konkhe; awudzingi kutsi umuntfu akubute imibuzo. Ngako-ke siyakholwa kutsi uphuma kuNkulunkulu.”

Johane 2:1

Kwatsi ngelilanga lesitsatfu kwaba nemshado eKhana laseGalile. Unina waJesu abekhona naye.

Johane 2:23

Kwatsi ngesikhatsi aseJerusalema ngeMkhosi weliPhasika, bantfu labanyenti bakholwa nguye ngekubona tibonakaliso takhe latenta.

Johane 3:2

Weta kuJesu ngalobunye busuku, wefike watsi: “Mfundzisi, siyati kutsi wena ungumfundzisi lophuma kuNkulunkulu. Ngobe kute umuntfu longenta timangaliso letingaka, nakate Nkulunkulu.”

Johane 4:3

Ngako-ke kwatsi Jesu nakakuva lokwase kukhulunywa, wesuka eJudiya wancandzeka wabuyela eGalile.

Johane 4:46

Jesu wesuka lapho wancandzeka waya eKhana laseGalile, lapho agucula khona emanti aba liwayini. Bekunesiphatsimandla sakahulumende eKhaphanawume. Sasigulelwa ngumsa waso.

Johane 4:54

Leso-ke kwaba sibonakaliso sesibili lasenta Jesu ngemvakwekubuyela kwakhe eGalile, nase aphuma eJudiya.

Johane 5:23

kuze bonkhe bahloniphe iNdvodzana njengobe bahlonipha uYise. Lowo longayihloniphi iNdvodzana, akahloniphi neYise loyitfumile.

Johane 6:14

Kwatsi bantfu nababona lesibonakaliso lasenta Jesu, batsi: “Impela, lona ngumphrofethi labefanele kuta emhlabeni.”

Johane 6:2

Sicumbi lesikhulu sebantfu samlandzela, ngobe sasibone tibonakaliso labetente kulabagulako.

Johane 6:26

Jesu wabaphendvula watsi: “Ngicinisile, ngicinisile, ngitsi kini: Aningifuni ngobe nibone tibonakaliso, kepha ningifuna ngobe nidle tinkhwa, nesutsa.

Johane 6:30

Base batsi kuye: “Sibonakaliso sini semandla longasenta kuze sibone, sitewukholwa nguwe? Msebenti muni lowentako?

Johane 7:31

Kodvwa labanyenti kulesicumbi bakholwa nguye batsi: “Nasefikile Khristu, uyakwenta tibonakaliso letinyenti letendlula leti letentiwe ngulona yini?”

Johane 9:16

Labanye baFarisi batsi: “Lomuntfu lowente loku akaphumi khona kuNkulunkulu, ngobe naku akawuhloniphi umtsetfo weliSabatha.” Labanye batsi: “Umuntfu losoni angatenta kanjani tibonakaliso letinje?” Kwaba khona kwehlukana emkhatsini wabo.

2 kubaseKorinthe 3:18

Ngako tsine sonkhe lesibuka ngebuso lobembuliwe, inkhatimulo yeNkhosi ibonakala kitsi njengasesibukweni, sibe siguculwa sibe njengaye ngekusuka ezingeni lelitsite lenkhatimulo siye kulelinye lizinga. Ngulowo-ke umsebenti weNkhosi lenguMoya.

2 kubaseKorinthe 4:17

Ngobe lolusizi lwetfu luncane futsi lwesikhashana, lusilungiselela inkhatimulo lengenawulinganiswa, yaphakadze.

2 kubaseKorinthe 4:6

Ngobe yena lowo Nkulunkulu lowatsi: “Akuvele kukhanya ebumnyameni,” nguye futsi lokhanyise etinhlitiyweni tetfu, kuze sikwati kubona inkhatimulo yaNkulunkulu ebusweni baKhristu.

Dutheronomi 5:24

Nafike natsi: ‘Simakadze Nkulunkulu wetfu usikhombise inkhatimulo yakhe nebukhosi bakhe, neliphimbo lakhe silive ekhatsi emlilweni. Lamuhla sesibonile kutsi kantsi umuntfu angajinge aphile nome Nkulunkulu akhuluma naye.

1 yaJohane 5:13

Nginibhalela loku nine, lenikholwa egameni leNdvodzana yaNkulunkulu, kuze nati kutsi ninekuphila lokuphakadze.