Johane 19:9 - Siswati 1996 Bible

⁹ Wancandzeka futsi wangena endlini, watsi kuJesu: “Wena uphumaphi?” Kodvwa Jesu akazange amphendvule.

Johane 19:9 Referencias Cruzadas

Isaya 53:7

Yacindzetelwa, yahlushwa, kodvwa ayizange iwuvule umlomo wayo; yaba njengelizinyane lemvu leliyiswa ekuhlatjweni, nanjengemvu lebindzile embikwebahhuli bayo, nayo ayizange iwuvule umlomo wayo.

Matewu 26:63

Kodvwa Jesu wabindza. Waphindze wakhuluma umPhristi Lomkhulu watsi kuye: “Egameni laNkulunkulu lophilako, sengiyakufungisa-ke manje kutsi sitjele nawunguKhristu, iNdvodzana yaNkulunkulu.”

Matewu 27:27

Emasotja aLusibalukhulu ase atsatsa Jesu ammikisa esigodlweni saLusibalukhulu. Lonkhe libutfo lemasotja lasondzela lamtungeleta.

Lukha 23:9

Ngako-ke Herodi wabuta Jesu imibuzo leminyenti, kodvwa Jesu akazange atsi vu.

Johane 18:28

Base bayamtsatsa Jesu ekhaya laKhayafase bamyisa ekwehlulelweni, kwakungusekuseni ngeluvivi. EmaJuda wona akazange angene kuleyondlu, ngobe abentela kutigcina angangcoli ngekwemtsetfo, kuze phela alungele kudla Sidlo seliPhasika.

Johane 18:33

Philatu wancandzeka wabuyela endlini, wabuta Jesu watsi: “Ye Jesu, wena ungiyo yini inkhosi yemaJuda?”

Johane 18:34

Jesu wamphendvula watsi: “Ngekwakho lombuzo usuka kuwe yini, nome kukhona labakutjele kona ngami?”

Johane 18:37

Ngako Philatu watsi: “Ngempela ungiyo yini inkhosi?” Jesu waphendvula watsi: “Uyasho wena kutsi ngiyiNkhosi. Mine ngatalelwa kona loko, futsi ngetela kona loko kulomhlaba kuze ngifakazele liciniso. Lowo loweliciniso uyaliva livi lami.”

Johane 19:10

Philatu watsi kuye: “Awutikhulumeli kimi? Utsi uyati nje kwekutsi ngimi lenginemandla ekukukhulula newekukubetsela esiphambanweni?”

Johane 19:8

Philatu nakabeva basho njalo, wesaba kakhulu.

Johane 8:14

Jesu wabaphendvula watsi: “Cha, nome ngingatifakazela, bufakazi bami bucinisile, ngobe mine ngiyati lapho ngiphuma khona, nalapho ngiya khona ngiyati; kepha nine anati lapho ngiphuma khona, nalapho ngiya khona futsi anati.

KubaseFiliphi 1:28

Ningetfuswa lutfo ngalabo labamelene nani, lokusiciniseko sekubhubha kubo, kepha sekusindziswa kwenu. Loku-ke kuvela kuNkulunkulu.

Tikhulu 13:6

Lomfati-ke wabe sewuya endvodzeni yakhe, wafike wayibikela watsi: “Kufike umuntfu waNkulunkulu kimi. Simo sakhe bekungatsi yingilosi yaNkulunkulu; abesabeka kakhulu. Nami angikabe ngisabuta nekutsi uphumaphi, naye akangitjeli nelibito lakhe.