Johane 19:6 - Siswati 1996 Bible

⁶ Batsi kube bambone baphristi labakhulu nabogadzi, bamemeta batsi: “Mbetsele esiphambanweni! Mbetsele esiphambanweni!” Philatu watsi kubo: “Mtsatseni nine nimbetsele esiphambanweni, mine angilitfoli licala kulomuntfu!”

Johane 19:6 Referencias Cruzadas

Matewu 26:58

Kepha Phetro bekamlandzela khashane, waze wangena esibuyeni sendlu yemPhristi Lomkhulu. Wafike wahlala nebalindzi, afuna kubona kutsi sigcino kutawuba yini.

Matewu 27:22

Philatu wababuta watsi: “Ngenteni-ke ngaloJesu lekutsiwa nguKhristu?” Bonkhe baphendvula batsi: “Mbetsele esiphambanweni!”

Matewu 27:24

Watsi kube abone Philatu kutsi kute langaphindze akwente, nekutsi sekusuka siphitsiphitsi, watsatsa emanti, wageza tandla embikwebantfu bonkhe watsi: “Anginacala ngengati yalomuntfu! Tiboneleni nine!”

Lukha 23:4

Philatu watsi kubaphristi labakhulu naseticunjini tonkhe: “Angitfoli cala kulomuntfu.”

Johane 18:3

Ngako-ke Judasi wavele wacondza khona kuleyo ndzawo, ahamba nesicuku lesikhulu semasotja, nalabanye bogadzi belithempeli lababetfunywe baphristi labakhulu bakanye nebaFarisi. Babehlome tikhali, baphetse emalambu netidlwane.

Johane 18:31

Philatu watsi kubo: “Mtsatseni nine niteke lelo cala lakhe ngekwemtsetfo wenu!” EmaJuda aphendvula atsi: “Site lilungelo lekubulala umuntfu.”

Johane 18:38

Philatu wabuta watsi: “Yini-ke liciniso?” Emvakwekusho njalo Philatu waphindze waphuma, waya kumaJuda, watsi kuwo: “Angilitfoli licala kulomuntfu.

Johane 19:15

Bamemeta kakhulu batsi: “Msuse! Msuse! Mbetsele esiphambanweni!” Philatu wababuta watsi: “Ngibetsele inkhosi yenu esiphambanweni?” Baphristi labakhulu bamphendvula batsi: “Site tsine lenye inkhosi ngaphandle kwaKhesari!”

Johane 19:4

Philatu waphindze waphuma, wafike watsi kulawo maJuda: “Bukani la, ngimkhiphele kini kuze nitekwati kutsi: Mine angilitfoli licala kulomuntfu.”

Imisebenti yebaPhostoli 2:23

Nkulunkulu ngekwatinchanti kwakhe nangentsandvo yakhe abesakumisile kutsi Jesu uyawuniketwa kini; nine-ke nambulala ngekumbetsela esiphambanweni ngetandla tetoni.

Imisebenti yebaPhostoli 7:52

Ukhona nje yena munye umphrofethi longazange ahlushwe bokhokho benu? Babulala titfunywa taNkulunkulu, letatimemetela ngembili ngekufika kweSisebenti sakhe lesilungile. Manje senimtsengisile nambulala.