Johane 19:5 - Siswati 1996 Bible

⁵ Ngako-ke Jesu waphuma asatfwele umchele wemanyeva, embetse umjiva lobovu webukhosi. Philatu watsi kubo: “Bukani! Nangu lomuntfu!”

Johane 19:5 Referencias Cruzadas

Isaya 40:9

Wena loletsa tindzaba letimnandzi eSiyoni, khuphukela entsabeni lephakeme. Wena loletse tindzaba letimnandzi eJerusalema, phakamisa livi lakho, umemete, liphakamise, ungesabi. Tsanini kuwo emadolobha akaJuda: “Nangu Nkulunkulu wenu!”

Isaya 43:1

Kodvwa nyalo, naku lokushiwo nguSimakadze, lowo lowakudala, wena Jakobe, lowo lowakubumba, wena Israyeli, utsi: “Ungesabi, ngobe ngikuhlengile, Ngikubite ngelibito lakho, wena uwami.

Isaya 7:14

Ngako-ke, Nkulunkulu, yena cobo lwakhe, utawuninika sibonakaliso: Intfombi iyawukhulelwa itale indvodzana, yetsiwe libito kutsiwe ngu-Imanyuweli.

Sililo 1:12

“Akusho lutfo yini kini, nonkhe nine lenendlula ngendlela? Calatani ndzawo tonkhe nibone. Kukhona yini kuhlupheka lokufanana nekwami kuhlupheka lokwehliselwa kimi, kuhlupheka Simakadze langishaya ngako ngelilanga lekutfukutsela kwakhe lokwesabekako?

Matewu 27:29

Lase leluka umchele ngemanyeva, lawufaka enhloko yakhe, lambambisa umhlanga ngesekudla, laguca embikwakhe, lamphukuta latsi: “Bayethe! Nkhosi yemaJuda!”

Johane 1:29

Ngakusasa Johane wabona Jesu eta kuye watsi: “Nalo liWundlu laNkulunkulu lelisusa sono selive!

Johane 19:2

Emasotja eluka umchele lonemanyeva, awugigela enhloko yaJesu, amembatsisa umjiva lobovu webukhosi,

KumaHebheru 12:2

emehlo etfu angesuki kuJesu longumsunguli nemphelelisi wekukholwa kwetfu. Ngenca yekujabula labekubekelwe Jesu wacinisela ngekwetfwala siphambano, wangete walinaka lihlazo laso; wahlala ngesekudla sesihlalo sebukhosi saNkulunkulu.