Johane 19:41 - Siswati 1996 Bible

⁴¹ Kuleyo ndzawo lapho abebetselwe ngakhona Jesu bekunengadze. Kulengadze bekunelithuna lelisha, lebekungazange sekungcwatjwe umuntfu kulo.

Johane 19:41 Referencias Cruzadas

2 Emakhosi 23:30

Tindvuna taJosaya tatsatsa sidvumbu sakhe tasekhweta encoleni kusuka eMegido tambuyisela eJerusalema, tafike tamfihla ethuneni lakhe. Sive sakaJuda satsatsa Jehoyahazi, umsa waJosaya, samgcoba, samenta inkhosi esikhundleni seyise.

Isaya 22:16

Wentani lapha, kona ngubani lokunike lemvume yekumba lithuna lakho lapha, nekukapuluta lithuna lakho lapha etulu ngekucota indzawo yakho yekuphumula lapha edvwaleni?

Matewu 27:60

wasibeka ethuneni lelisha labesandza kuligubha edvwaleni. Wase ugicitela litje lelikhulu emnyango walelithuna wavala ngalo, wesuka wahamba.

Lukha 23:53

Wasetfula lesidvumbu wasigocota ngendvwangu lenhle, wasifaka ethuneni labelimbe kahle edvwaleni, lalingazange selisetjentiswe ngembili.

Johane 19:42

Ngako-ke Jesu bamngcwaba kulelithuna lelalisedvute, ngobe kwakulilanga lekulungiselela liSabatha.

Johane 20:15

Jesu wambuta watsi: “Make, ukhalelani? Ufuna bani?” Masinyane acabanga kutsi ngumlindzi wengadze, watsi kuye: “Nkhosi, nangabe utsetfwe nguwe, ngilayele lapho umbeke khona, ngitakuya ngimlandze.”