Johane 19:35 - Siswati 1996 Bible

³⁵ Lona lowakubona loko wafakaza ngako. Siyati futsi kutsi loko labekusho kuliciniso, futsi naye uyati kutsi ukhuluma liciniso, kuze nani nitewukholwa.

Johane 19:35 Referencias Cruzadas

Johane 11:15

Ngiyanitfokotela kwati kutsi bengingekho kuye, kuze nikholwe; kepha asambeni siye kuye.”

Johane 11:42

Bengati mine kutsi uyangiva ngawo onkhe emalanga, kepha loko ngikukhulume ngenca yalabantfu labalapha, khona batekwati kutsi ngitfunywe nguwe.”

Johane 14:29

Manje senginitjele loku ngaphambili kwekutsi kwenteke, kuze kutsi nakwenteka, nikholwe.

Johane 15:27

nani futsi nibofakazi bami, ngobe benisolo ninami kusukela ekucaleni.

Johane 19:26

Jesu wabona unina nemfundzi labekamtsandza beme khona lapho, ngako wase utsi kunina: “Make, nanso indvodzana yakho!”

Johane 20:31

Leti tibhalelwe kutsi nitewukholwa kutsi Jesu unguKhristu, iNdvodzana yaNkulunkulu, nekutsi ngekukholwa kwenu nibe nekuphila ngelibito lakhe.

Johane 21:24

Lona nguye-ke lomfundzi lofakaza ngako konkhe loku; nguye futsi lowabuye wakubhala phansi; futsi siyati kutsi bufakazi bakhe buliciniso.

Imisebenti yebaPhostoli 10:39

“Tsine sibofakazi bako konkhe loko labekwenta eveni lemaJuda kanye naseJerusalema. Bambulala ngekumbetsela esiphambanweni.

KubaseRoma 15:4

Konkhe kwasendvulo lokusemBhalweni kwabhalelwa kufundzisa tsine, kuze sibe nelitsemba lelingumphumela wekubeketela newekucinisela lesikutfola kulowo mBhalo.

1 yaPhetro 5:1

Ngako ngiyabancenga babonisi labasemkhatsini wenu, njengobe nami ngingumbonisi kanye nabo, ngingufakazi wetinhlupheko taKhristu, nemhlanganyeli ebukhosini lobutakwembulwa, ngitsi:

1 yaJohane 5:13

Nginibhalela loku nine, lenikholwa egameni leNdvodzana yaNkulunkulu, kuze nati kutsi ninekuphila lokuphakadze.

3 yaJohane 1:12

Demetriyusi unconywa ngibo bonkhe bantfu, ngisho neliciniso imbala liyamncoma; natsi siyamfakazela, futsi nawe uyati kutsi bufakazi betfu buliciniso.