Johane 19:31 - Siswati 1996 Bible

³¹ EmaJuda ase acela Philatu kutsi awavumele ephule imilente yalamadvodza labebulewe, atewehlisa etiphambanweni. Phela besekunguLesihlanu kungakafaneli kuse kulenga tidvumbu etiphambanweni ngelilanga leliSabatha, ikakhulu ngobe lelo Sabatha bekulilanga lelikhulu.

Johane 19:31 Referencias Cruzadas

Eksodusi 12:16

Ngelilanga lekucala nangelilanga lesikhombisa niyawuba nemhlangano longcwele. Kufanele kubete lowenta umsebenti kulawo malanga, kodvwa ningakulungisa kudla lenitakudla.

Taga 12:10

Umuntfu lolungile uyatinakekela tifuyo takhe; kodvwa lomubi utiphatsa dlephu.

Mikha 3:3

Nidla inyama yemitimba yesive sami, nihlube inyama yaso ematsanjeni aso nihlahlele ematsambo aso, nicobe inyama yemitimba yabo njengenyama icotjelwa kufakwa ebhodweni.

Matewu 27:62

Ngakusasa, lokusho kutsi, ngelilanga lelilandzela lelemalungiselelo, baphristi labakhulu nebaFarisi bahlangana naPhilatu,

Makho 15:42

Kwase kucalile kuhwalala. Phela kwakulilanga lekwenta emalungiselelo, lokusho kutsi kwakunguLesihlanu, kutakusa kuliSabatha.

Johane 19:1

Philatu-ke wanikela Jesu ekubhanjabulweni.

Johane 19:14

Lelo langa bekulemalungiselelo eliPhasika. Ngeli-awa leli-12 emini Philatu wakhuluma kumaJuda watsi: “Nanso inkhosi yenu!”

Johane 19:42

Ngako-ke Jesu bamngcwaba kulelithuna lelalisedvute, ngobe kwakulilanga lekulungiselela liSabatha.

Joshuwa 8:29

Joshuwa lenkhosi yase-Ayi wayilengisa esihlahleni, wayishiya khona lapho kwaze kwahlwa. Kwatsi nakushona lilanga, Joshuwa wayala bantfu kutsi abetfule sidvumbu sayo esihlahleni, basijike ekungeneni kwelisango lelidolobha. Babutsisa lenkhulu indvundvuma yematje etikwalesidvumbu, leseloku yahlala kuze kube ngulamuhla.