Johane 19:29 - Siswati 1996 Bible

²⁹ Bekunendishi leyayigcwele liwayini lelimunyu, benya khona siponji, basihloma endvukwini yehisophu, bayiphakamisa, bayibeka etindzebeni temlomo wakhe.

Johane 19:29 Referencias Cruzadas

1 Emakhosi 4:33

Wakhuluma ngetihlahla nangetitjalo, kusukela etihlahleni temisedari yaseLebanoni kuye kutehisophu letimila etibondzeni. Wafundzisa nangetilwane, nangetinyoni, nangetilwane letihuma ngesisu emhlabatsini kanye nangetinhlanti.

Tihlabelelo 51:7

Ngihlambulule ngehisophu, ngitewuhlambuluka. Ngigeze ngibe mhlophe kunangcocwane.

Eksodusi 12:22

utsatse sitfungo sehisophu usenye engatini lesemgezelweni bese uyibhoca etinsikeni temnyango emaceleni nasetulu kwawo kuleyondlu lapho uhleti khona. Kufanele kungabikho muntfu lophumako kuleyondlu kuze kube ngusekuseni.

Numeri 19:18

Kuyawutsi umuntfu lohlantekile ngekwemtsetfo atsatse ihisophu ayenye kulamanti, bese ufafata lelithende nako konkhe lokusekhatsi kanye nalabantfu bebakhona lapho. Kufanele afafate bonkhe labake batsintsa litsambo lemufi, nome sidvumbu semuntfu lobulewe nome lotifele, nome-ke lithuna.

Matewu 27:34

lamnatsisa liwayini lelalibhicwe nenyongo; watsi kube alive walala, wangete walinatsa.

Matewu 27:48

Lomunye wabo wagijima masinyane waya kuye nesiponji, wasenya ewayinini lelimunyu, wasihloma elutsini lwemhlanga wetama kumnatsisa.

Matewu 27:50

Jesu waphindze wakhala ngelivi lelikhulu kakhulu, wase uyafa.

Makho 15:36

Lomunye wagijima watsatsa siponji wasicwilisa ewayinini lelimunyu, wasihloma endvukwini yenhlangamlambo, wamnatsisa, atsi: “Ase nime sesibone kutsi lo-Elija utawuta yini atemsita, ametfule lapha etulu.”

Lukha 23:36

Nemasotja amphukuta nawo eta kuye amnika liwayini lelimunyu,