Johane 19:28 - Siswati 1996 Bible

²⁸ Ngaleso sikhatsi Jesu besati kutsi konkhe sekuphelele, kuze kugcwaliseke umBhalo, watsi: “Ngomile.”

Johane 19:28 Referencias Cruzadas

Tihlabelelo 22:15

Emandla ami ome njengeludzengelo, lulwimi lwami lunamatsele elwangeni; wena ungilalisa phansi elutfulini lwekufa.

Tihlabelelo 69:21

Bangiphakela inyongo esikhundleni sekudla; ekomeni kwami banginatsisa liwayini lelimunyu.

Lukha 12:50

“Kunembhabhatiso lengitawemukela; maye, ngicindzetelekile, uyawudzimate wendlule!

Lukha 18:31

Jesu wabadvonsela eceleni bafundzi bakhe labali-12 watsi kubo: “Lalelani, sesiya eJerusalema, lapho konkhe lokwabhalwa baphrofethi ngeNdvodzana yeMuntfu kutakugcwaliseka khona.

Lukha 22:37

Ase nginitjele naku: UmBhalo lotsi: ‘Wabalwa kanye netigelekece,’ kufanele ugcwaliseke ngami. Phela lokwabhalwa ngami sekuyagcwaliseka.”

Lukha 9:31

babonakala ngebukhatikhati banenkhatimulo yasezulwini bakhuluma naJesu ngeluhambo lwakhe belutawugcwaliseka eJerusalema lokwakuyinjongo yaNkulunkulu.

Johane 13:1

Kwatsi sekutakusa kube lilanga lelilandzelwa nguMkhosi weliPhasika, Jesu ati kutsi sikhatsi sakhe sesifikile sekutsi awushiye lomhlaba aye kuYise, njengobe abebatsandzile bakhe emhlabeni, wabatsandza kwaze kwaba ngusekugcineni.

Johane 17:4

Babe, ngikudvumisile eveni ngekucedzela umsebenti lowanginika wona kutsi ngiwente.

Johane 18:4

Ngako Jesu, akwati konkhe lokwakutamehlela, wasondzela embikwabo watsi: “Nifuna bani?”

Johane 19:24

Emasotja akhuluma odvwana atsi: “Asingayisiki, kodvwa asente inkatho sitewubona kutsi itawuba yabani.” Loko kwenteka kuze kutewugcwaliseka umBhalo lotsi: “Behlukaniselana ngetimphahla tami, bentelana inkatho ngengubo yami.” Ngako emasotja akwenta loko.

Johane 19:30

Watsi kube alemukele leliwayini Jesu, wase utsi: “Kuphelele.” Wagebisa inhloko yakhe, wakhulula umoya wakhe, wafa.

Johane 19:36

Ngobe loko kwenteka kuze kugcwaliseke umBhalo lotsi: “Kute nobe linye litsambo lakhe leliyakwephulwa.”

Johane 4:34

Jesu waphendvula watsi: “Kudla kwami kukwenta intsandvo yalongitfumile, nekucedzela umsebenti wakhe langinike wona.

Imisebenti yebaPhostoli 13:29

Ngemuva sebakwentile konkhe njengobe kubhaliwe ngaye, bametfula esiphambanweni bamfaka engcwabeni.