Johane 19:20 - Siswati 1996 Bible

²⁰ EmaJuda lamanyenti akufundza loko, ngobe lendzawo labebetselwe kuyo Jesu beyisedvutane kakhulu nelidolobha. Lesatiso sasibhalwe ngelulwimi lwesiHebheru nesiLatini kanye nesiGriki.

Johane 19:20 Referencias Cruzadas

Lukha 23:38

Emagama labebhalwe ngetulu kwakhe abetsi: “LONA YINKHOSI YEMAJUDA.”

Johane 19:13

Nakeva loko Philatu, wamkhiphela ngephandle loJesu, wahlala esihlalweni sekwehlulela, endzaweni lekwakutsiwa: Yindzawo Leyilwe Ngematje. (NgesiHebheru yiGabhatha).

Johane 19:42

Ngako-ke Jesu bamngcwaba kulelithuna lelalisedvute, ngobe kwakulilanga lekulungiselela liSabatha.

Johane 5:2

Lapha eJerusalema, eceleni kweliSango Letimvu, bekunelichibi lebekutsiwa ngesiHebheru yiBhethesda, belinemihubhe lesihlanu.

Imisebenti yebaPhostoli 21:37

Kwatsi nase bafuna kumfaka esitokisini, Pawula wakhuluma nakhenela watsi: “Ngivumelekile yini kukhuluma nawe?” Khenela wambuta watsi: “Uyakwati yini kukhuluma siGriki?

Imisebenti yebaPhostoli 21:40

Khenela wamvumela. Pawula wema etitebhisini, waphakamisa tandla wababindzisa, batsi kube babindze wacala wakhuluma kubo ngesiHebheru watsi:

Imisebenti yebaPhostoli 22:2

Batsi kube bamuve akhuluma ngesiHebheru, babindza batsi dvu, wachubeka watsi:

Imisebenti yebaPhostoli 26:14

Sonkhe sawela phansi, ngeva livi likhuluma kimi ngesiHebheru litsi: ‘Sawula! Ye Sawula! Ungihluphelani? Kulukhuni kuwe kukhahlela etinchijini.’

KumaHebheru 13:12

Ngiko nje naJesu wafela ngephandle kwelisango, kuze atewungcwelisa bantfu ngengati yakhe.

Sembulo 16:16

Lemimoya yabutsela ndzawonye emakhosi endzaweni lekutsiwa yi-Amagedoni ngesiHebheru.

Sembulo 9:11

Inkhosi yaso lesibusako bekuyingilosi yemgodzi longenamkhawulo. Libito layo ngesiHebheru ngu-Abadoni, ngesiGriki ngu-Apoliyoni.