Johane 18:35 - Siswati 1996 Bible

³⁵ Philatu waphendvula watsi: “NgingumJuda yini mine? Sive sakini nebaphristi bakini labakhulu labakuletse la kimi. Wenteni wena?”

Johane 18:35 Referencias Cruzadas

Ezra 4:12

“Inkhosi kufanele yati kutsi lamaJuda lafike lapha, esuka lapho kuwe asaye eJerusalema kuyewulakha kabusha lelidolobha lelibi nalelihlubukako. Balwakha kabusha lubondza, kantsi nesisekelo bayasivusetela.

Nehemiya 4:2

akhuluma embikwebangani bakhe nasembikwemabutfo aseSamariya, watsi: “Tentani letiyatsayatsa temaJuda? Tingaluvusa yini lolubondza lwato? Tiyawunikela yini ngemihlatjelo? Tingalucedza yini ngalanga linye? Lamatje lashile aba ngumlotsa tingawavusa yini aze abe yintfo lephilako?”

Johane 18:28

Base bayamtsatsa Jesu ekhaya laKhayafase bamyisa ekwehlulelweni, kwakungusekuseni ngeluvivi. EmaJuda wona akazange angene kuleyondlu, ngobe abentela kutigcina angangcoli ngekwemtsetfo, kuze phela alungele kudla Sidlo seliPhasika.

Johane 18:34

Jesu wamphendvula watsi: “Ngekwakho lombuzo usuka kuwe yini, nome kukhona labakutjele kona ngami?”

Johane 18:36

Jesu wamphendvula watsi: “Umbuso wami awusiwo wakulelive. Kube bewuwakulelive, ngabe balandzeli bami bangilwele, kuze ngingetiwuniketwa kumaJuda. Kepha noko umbuso wami awusiwo wakulelive.”

Johane 19:11

Jesu wamphendvula watsi: “Ngabe kawunamandla etikwami kube bewungakawabelwa ngetulu. Kepha lona longinikele kuwe nguye lonelicala lelikhulu.”

Johane 19:6

Batsi kube bambone baphristi labakhulu nabogadzi, bamemeta batsi: “Mbetsele esiphambanweni! Mbetsele esiphambanweni!” Philatu watsi kubo: “Mtsatseni nine nimbetsele esiphambanweni, mine angilitfoli licala kulomuntfu!”

Imisebenti yebaPhostoli 21:38

Nakunjalo, pho, akusiwe yini lomGibhithe losandza kususa lutfutfuva ngekubutsa ti-4 000 temadvodza latidlova, lavukela umbuso, wawaholela ehlane?”

Imisebenti yebaPhostoli 23:29

Ngakhandza kutsi kute nome kunye lakwentile lokungaze kumente afanelwe kubulawa nome afakwe advonse ejele; kuphela nje uboshelwe imibuzo nemitsetfo yabo.

Imisebenti yebaPhostoli 3:13

Nkulunkulu wa-Abrahama na-Isaka naJakobe, Nkulunkulu wabokhokho, usikhatimulisile Sisebenti sakhe lesinguJesu, lenamniketa etiphatsimandleni, namlahla embikwaPhilatu, namala nome Philatu asatimisele kumkhulula.