Johane 18:28 - Siswati 1996 Bible

²⁸ Base bayamtsatsa Jesu ekhaya laKhayafase bamyisa ekwehlulelweni, kwakungusekuseni ngeluvivi. EmaJuda wona akazange angene kuleyondlu, ngobe abentela kutigcina angangcoli ngekwemtsetfo, kuze phela alungele kudla Sidlo seliPhasika.

Johane 18:28 Referencias Cruzadas

Tihlabelelo 35:16

Labantfu bashuca nalabahlambalata Nkulunkulu, bahlose bubi ngami.

Taga 1:16

ngobe tinyawo tabo tigijimela lokubi, basheshe bacitse ingati.

Taga 4:16

Bantfu lababi abalali bangakenti lokubi, bayacwasha bangalali nabangakoni muntfu.

Hezekeli 45:21

“ ‘ Ngelilanga leli-14 lenyanga yekucala niyawugubha uMkhosi weliPhasika. Kuyawuphela emalanga lasikhombisa bonkhe bantfu badla sinkhwa lesingenamvubelo.

Mikha 2:1

Maye kulabo labacabanga imicabango lemibi, labo labatsi balele babe bangakalali bacabanga emasu ekwenta bubi! Kutsi kungasa bakwente loko bebakuhlosile, ngobe banemandla ekukwenta loko.

Matewu 27:27

Emasotja aLusibalukhulu ase atsatsa Jesu ammikisa esigodlweni saLusibalukhulu. Lonkhe libutfo lemasotja lasondzela lamtungeleta.

Makho 15:16

Emasotja achuba Jesu amngenisa ngekhatsi kwesigodlo saPhilatu, ase abita yonkhe imphi yemasotja.

Lukha 22:66

Ekuseni Liqoqo letibondza temaJuda, nebaphristi labakhulu, netati temtsetfo tahlangana ndzawonye, naJesu waletfwa kuleLiqoqo labo.

Johane 11:55

Umkhosi wemaJuda weliPhasika bese usedvute. Bantfu labanyenti lababephuma emaphandleni, bakhuphukela eJerusalema, liPhasika lingakacali, bentela kutetihlambulula.

Johane 18:13

Kwekucala bammikisa ku-Anasi, ngobe abenguyisetala waKhayafase, labengumPhristi Lomkhulu kulowo mnyaka.

Johane 18:15

Simoni Phetro nalomunye umfundzi babeloku balandzela Jesu. UmPhristi Lomkhulu abemati kahle lona lomunye umfundzi. Ngako-ke wangena naJesu ngekhatsi esibuyeni sendlu yemPhristi Lomkhulu.

Johane 18:33

Philatu wancandzeka wabuyela endlini, wabuta Jesu watsi: “Ye Jesu, wena ungiyo yini inkhosi yemaJuda?”

Johane 18:39

Kodvwa ngelisiko lenu kufanele nginikhululele siboshwa sinye njalo ngeliPhasika. Nginganikhululela yini inkhosi yemaJuda?”

Johane 19:11

Jesu wamphendvula watsi: “Ngabe kawunamandla etikwami kube bewungakawabelwa ngetulu. Kepha lona longinikele kuwe nguye lonelicala lelikhulu.”

Johane 19:14

Lelo langa bekulemalungiselelo eliPhasika. Ngeli-awa leli-12 emini Philatu wakhuluma kumaJuda watsi: “Nanso inkhosi yenu!”

Johane 19:9

Wancandzeka futsi wangena endlini, watsi kuJesu: “Wena uphumaphi?” Kodvwa Jesu akazange amphendvule.

Imisebenti yebaPhostoli 10:28

Watsi kubo: “Nani matfupha niyati kutsi umJuda akavunyelwa yinkholo yakhe kutsi avakashele nome atihlanganise nebetive. Kodvwa Nkulunkulu ungikhombisile kutsi angifanele kusho kutsi umuntfu ungcolile nome akahlanteki.

Imisebenti yebaPhostoli 10:32

Tfumela umuntfu eJopha ayewubita indvodza lebitwa ngekutsi nguSimoni Phetro, usivakashi emtini waSimoni, umshuki wetikhumba, lohlala ngaselwandle.’

Imisebenti yebaPhostoli 11:3

batsi: “Uvumeleni kuya emtini webetive labangakasoki futsi udle nabo?”

Imisebenti yebaPhostoli 3:13

Nkulunkulu wa-Abrahama na-Isaka naJakobe, Nkulunkulu wabokhokho, usikhatimulisile Sisebenti sakhe lesinguJesu, lenamniketa etiphatsimandleni, namlahla embikwaPhilatu, namala nome Philatu asatimisele kumkhulula.

Imisebenti yebaPhostoli 4:27

“Nembala kulelidolobha Herodi naPhontiyuse Philatu bahlangana ndzawonye nebetive, nebaka-Israyeli baphambana naJesu, Sisebenti sakho lesiNgcwele, lowasenta kutsi sibe nguKhristu.

Dutheronomi 16:2

Niyakwenta umhlatjelo weliPhasika kuSimakadze Nkulunkulu wenu ngesilwane leniyawusitsatsa emihlambini yenu yetimvu nome yetinkhomo, niwentele endzaweni Simakadze layakuyikhetsela kubeka Libito lakhe.