Johane 18:26 - Siswati 1996 Bible

²⁶ Lomunye wetigcili temPhristi Lomkhulu, labesinini salona lowahhunjulwa nguPhetro indlebe, wambuta watsi: “Angikubonanga yini unaye engadzeni?”

Johane 18:26 Referencias Cruzadas

Taga 12:19

Umuntfu lokhuluma liciniso uyakhonsa; kodvwa lokhuluma emanga akakhonsi.

Matewu 26:73

Emvakwesikhashana lamadvodza labeme lapho asondzela kuPhetro afike atsi: “Ngempela nawe ungulomunye wabo, ngisho nekukhuluma kwakho kuyatisho nje.”

Lukha 22:58

Emvakwesikhashana, indvodza lenye yamfanisa yatsi: “Ungulomunye wabo nawe.” Kodvwa Phetro waphendvula watsi: “Ndvodza-ndzini, angisiye!”

Johane 18:1

Jesu watsi kube acedze kuthandaza, wahamba kanye nebafundzi bakhe, bewelela ngesheya kwemfudlana lokwakutsiwa yiKhidroni. Bekunengadze langena kuyo Jesu kanye nebafundzi bakhe.

Johane 18:10

Simoni Phetro abenenkemba, wayihoshula wagalela ngayo esigcilini semPhristi Lomkhulu, wasihhumbula indlebe yangesekudla. Libito lalesigcili kwakunguMalkhusi.