Johane 18:20 - Siswati 1996 Bible

²⁰ Jesu wamphendvula watsi: “Ngikhulume ebaleni ngikhuluma nemhlaba wonkhe. Ngato tonkhe tikhatsi bengifundzisa emasinagogeni nasethempelini, lapho kubutsana khona onkhe emaJuda. Angizange sengikhulume lutfo emasitseleni.

Johane 18:20 Referencias Cruzadas

Tihlabelelo 22:22

Ngiyawulimemetela kubomnaketfu libito lakho ngikudvumise emkhatsini welibandla, ngitsi:

Tihlabelelo 40:9

Kulunga kwakho ngakushumayela kulabanyenti. Angikatibambi tindzebe tami, naloko nguwe lokwatiko, Simakadze.

Isaya 45:19

Angikakhulumi ekusitsekeni, kulenye indzawo lelive lebumnyama. Angikasho etitukulwaneni taJakobe, ngatsi: ‘Ngifuneleni lite.’ Mine, Simakadze, ngikhuluma liciniso, ngikhuluma loko lokulungile.”

Isaya 48:16

“Sondzelani edvutane nami, nilalele naku: “Kusukela esimemetelweni sekucala angizange ngikhulume emasitseleni, ngalesikhatsi nakwenteka, mine ngisuke sengikhona.” Manje-ke, iNkhosi Simakadze ingitfumile kanye naMoya wayo.

Matewu 24:26

“Ngako-ke nabatsi: ‘Bukani usehlane,’ ningayi khona; nome batsi: ‘Bukani usendlini,’ ningakholwa!

Matewu 26:55

Ngaleso sikhatsi Jesu watsi eticukwini: “Bekudzingeke ngani kutsi nite netinkemba kanye netindvuku kutengibopha shangatsi ngisigebengu? Bengihleti nani ethempelini onkhe emalanga ngifundzisa, kodvwa anizange seningibophe.

Matewu 26:65

Nasasho loku, umPhristi Lomkhulu wadzabula tingubo takhe watsi: “Vele, sewuhlambalatile; asisabudzingi lobunye bufakazi, seniyivile inkhulumo yakhe lehlambalatako!

Matewu 4:23

Jesu walihamba lonkhe laseGalile, afundzisa emasinagogeni abo, ashumayela liVangeli lembuso, aphilisa bantfu kuto tonkhe tifo nasekuguleni kwabo.

Matewu 9:35

Jesu wahamba ajikeleta emadolobheni nasemitini. Abehamba afundzisa emasinagogeni abo, ashumayela liVangeli lembuso, aphilisa nebantfu etifeni tabo tonkhe nasemikhuhlaneni letinhlobonhlobo.

Makho 8:32

Loko wakusho ngalokucacile. Phetro wamdvonsela eceleni wamekhuta.

Lukha 21:37

Emini Jesu abefundzisa ethempelini, bese kutsi ebusuku ayewukhosela eNtsabeni Yemincumo.

Lukha 4:15

Wafundzisa emasinagogeni abo, bonkhe bantfu bamdvumisa.

Johane 18:21

Manje, ungibutelani-ke? Buta kulabantfu bebangiva. Ubabute kutsi bengibatjela kutsini, ngobe bayakwati konkhe loku bengibafundzisa kona.”

Johane 6:59

Konkhe loko Jesu wakukhuluma asesinagogeni eKhaphanawume, afundzisa.

Johane 7:14

Kwatsi sekungusekhatsi nemkhosi, Jesu wenyukela ethempelini, wacala wafundzisa.

Johane 7:26

Ase nimbuke, ukhuluma nje ebaleni, akafihli, kute labamphikisa kuko. Kungahle kube kwentiwa kutsi baphatsi nabo sebayati yini kutsi lomuntfu vele unguKhristu?

Johane 7:28

Jesu wakhuluma ngelivi lelikhulu afundzisa ethempelini, watsi: “Niyangati, futsi niyati nekutsi ngiphumaphi; mine-ke angikatiteli lapha, kodvwa lowo longitfumile, leningamati nine, ucinisile.

Johane 7:4

Kute lofihla lakwentako nakafuna kutsi atiwe. Njengobe wenta letintfo nje, tibonakalise wena kulo lonkhe live.”

Johane 8:2

Ekuseni ngeluvivi wabuya weta ethempelini. Bantfu bonkhe beta kuye; wase uhlala phansi uyabafundzisa.

Johane 8:26

Nginalokunyenti lengingakusho ngani, nalenginganehlulela ngako. Noko, lona longitfumile ucinisile, nami live ngilitjela loko lengikuve kuye.”

Imisebenti yebaPhostoli 26:26

Nkhosi Agripha! Ngikhuluma kuwe ngaso sonkhe sibindzi, ngobe uyakwati konkhe loku. Ngineliciniso kutsi tonkhe letintfo utibonile ngobe atentekanga emasitseleni.