Johane 18:1 - Siswati 1996 Bible

¹ Jesu watsi kube acedze kuthandaza, wahamba kanye nebafundzi bakhe, bewelela ngesheya kwemfudlana lokwakutsiwa yiKhidroni. Bekunengadze langena kuyo Jesu kanye nebafundzi bakhe.

Johane 18:1 Referencias Cruzadas

Genesisi 2:15

Nkulunkulu Simakadze wamtsatsa umuntfu wambeka ensimini yase-Edeni kutsi ayilime, ayilindze.

Genesisi 3:23

Ngako-ke Nkulunkulu Simakadze wamcosha ensimini yase-Edeni, kutsi alime umhlabatsi labetsatfwe kuwo.

2 Samuweli 15:23

Kuyo yonkhe leyo ndzawo sive sakhala kakhulu sisendlula. Inkhosi nayo yewela Sigodzi seKhidroni, sonkhe sive sahamba sacondza ngasehlane.

1 Emakhosi 15:13

Wadzimate wehlisa ngisho nagogo wakhe Makha esikhundleni sakhe sekuba yindlovukazi, ngobe abakhe insika ya-Ashera leyayisinengiso. Asa wagawula lensika ya-Ashera wayishisela eSigodzini saseKhidroni.

1 Emakhosi 2:37

Mhlazana waphuma nje wewela Sigodzi saseKhidroni, ubovele wati kutsi utakufa; licala lengati yakho liyawubasetikwakho.”

2 Emakhosi 23:12

Wawabhidlita onkhe lamalati labekakhiwe ngemakhosi akaJuda etulu eluphahleni eceleni kwelikamelo la-Ahazi lelisesitezi; wabhidlita nalamalati Manase labewakhe kuletibuya letimbili ethempelini laSimakadze. Wawesusa lapho, wawabhidlita, aba timvitsi letakhukhulelwa emfudlaneni iKhidroni.

2 Emakhosi 23:4

Inkhosi yatjela Hilkiya, umPhristi Lomkhulu, nebaphristi labebangaphansi kwakhe kanye nabomahlalesangweni kutsi bakhiphe ethempelini laSimakadze konkhe lokwakwentelwe Bhali na-Ashera, nako konkhe lokwakwentelwe tonkhe tinkhulungwane tetinkhanyeti. Wakushisela ngaphandle kweJerusalema etikhotseni letigudla iKhidroni, wase utsatsa lomlotsa uwumikisa eBetheli.

2 Emakhosi 23:6

Watsatsa insika ya-Ashera ethempelini laSimakadze, wayimikisa emfudlaneni iKhidroni ngephandle kweJerusalema, wayishisela khona. Wayisila, yaba yimphuphu, wabe sewuyisakata seyilutfuli etikwemadliza ebantfukatana.

2 Tikhronike 15:16

Inkhosi Asa yaphindze yehlisa gogo wayo, Makha, esikhundleni sebundlovukazi, ngobe abakhe insika ya-Ashera leyayisinengiso. Asa wageca lensika wayijuba ticucu, wayishisela eSigodzini saseKhidroni.

2 Tikhronike 29:16

Baphristi bangena endzaweni lengcwele yaSimakadze bayakuyihlambulula. Bakhiphela ngephandle esibuyeni selithempeli laSimakadze konkhe lokwakungcolile ngekwemtsetfo labakukhandza ngekhatsi ethempelini laSimakadze. EmaLevi akutsatsa akwetfwala akumikisa eSigodzini saseKhidroni.

2 Tikhronike 30:14

Besusa emalati eJerusalema, besusa emalati emphepho bawajikijela eSigodzini saseKhidroni.

Nehemiya 2:15

ngako ngenyusa sigodzi sasemfudlaneni iKhidroni ebusuku, ngihlola lubondza. Ekugcineni ngancandzeka ngabuye ngangena ngeliSango Lesigodzi.

Jeremiya 31:40

Sonkhe leso sigodzi lapho kulahlwa khona tidvumbu nemlotsa, nato tonkhe tibebesi kuye emfudlaneni iKhidroni, kuze kuyewufika ekoneni leLisango Lelihhashi ngasemphumalanga, kuyawuba ngcwele kuSimakadze. Lelidolobha lingeke liphindze lizuphunwe nome libhidlitwe.”

Levithikusi 2:6

Kufanele uhleshulwe ube ticucu bese utselwa ngemafutsa. Lowo-ke ngumnikelo walokutinhlavu.

Matewu 26:30

Batsi sebacedze kuhlabela liculo lekubonga, baphuma baya eNtsabeni Yemincumo.

Matewu 26:36

Jesu wahamba nebafundzi bakhe, waze wefika eGetsemane, watsi kubo: “Salani la, mine ngisaya kuyawuthandaza lapha.”

Makho 14:26

Batsi kube bacedze kuhlabela ingoma yekubonga, baphuma baya eNtsabeni Yemincumo.

Makho 14:32

Besuka lapho baya endzaweni lekwakutsiwa yiGetsemane, Jesu watsi kubafundzi bakhe: “Hlalani lapha, mine ngisaya kukhuleka.”

Makho 14:42

Sukumani sambe! Bukani nangu longitsengisako asakhona.”

Johane 14:31

Kodvwa konkhe loku kwentekela kutsi live lati kutsi Babe ngiyamtsandza, nekutsi ngenta njengobe yena angiyalile. “Sukumani, sambe!”

Johane 18:26

Lomunye wetigcili temPhristi Lomkhulu, labesinini salona lowahhunjulwa nguPhetro indlebe, wambuta watsi: “Angikubonanga yini unaye engadzeni?”

Imisebenti yebaPhostoli 21:11

Wefika kitsi watsatsa libhande laPawula walibopha etinyaweni nasetandleni takhe watsi: “Naku lokushiwo nguMoya Longcwele: ‘Umnikati walelibhande utawuboshwa ngemaJuda kanje eJerusalema amnikele etandleni tebetive.’ ”