Johane 17:8 - Siswati 1996 Bible

⁸ ngobe ngibanikile lamavi lowanginika wona, nabo bawemukela. Bayati kutsi kuliciniso kutsi ngaphuma kuwe. Bayakholwa futsi kutsi ngitfunywe nguwe.

Johane 17:8 Referencias Cruzadas

Taga 1:23

Ase nilalele kunitsetsisa kwami; imicabango yami ngitayitfululela kini, nginitjele lokusenhlitiyweni yami.

Taga 1:3

Tifundzisana kuphila ngebucotfo bengcondvo, nekwenta kulunga, nekungakhetsi.

Taga 2:1

Ndvodzana yami, yemukela loku lengikufundzisa kona, uyigcine imiyalo yami.

Taga 4:10

Ndvodzana yami, lalela wemukele emavi ami, khona iminyaka yekuphila kwakho itakwandza.

Taga 8:10

Khetsani imfundziso yami kunesiliva, nikhetse lwati lwami kunegolide lecengiwe.

Matewu 13:11

Wabaphendvula watsi: “Nine ninikiwe lwati lwetimfihlakalo tembuso welizulu, kodvwa bona abakanikwa.

Johane 12:49

Ngobe mine angikatikhulumeli ngekwami, kodvwa Babe, lokunguyena angitfumile, nguye longinike imiyalo yekutsi ngifanele ngitsini, ngikhulumeni.

Johane 14:10

Filiphu, awukholwa yini kutsi ngikuBabe, naBabe ukimi? Lamavi lengiwakhulume kini, angitikhulumeli mine, kodvwa Babe lohlala kimi nguye lowenta umsebenti wakhe ngami.

Johane 15:15

Kusukela manje angisete nganibita ngekutsi nitisebenti, ngobe phela sisebenti asati kutsi umphatsi waso wentani. Esikhundleni saloko nginibita ngekutsi nitihlobo tami, ngobe senginitjele konkhe lengikuve kuBabe.

Johane 16:27

Ngobe phela Babe ngekwakhe uyanitsandza, unitsandza ngobe niyangitsandza; futsi senikholiwe nekutsi ngiphuma kuNkulunkulu.

Johane 16:30

Manje sesiyati-ke kutsi wati konkhe; awudzingi kutsi umuntfu akubute imibuzo. Ngako-ke siyakholwa kutsi uphuma kuNkulunkulu.”

Johane 17:14

Ngibanikile livi lakho; live labatondza ngobe bangesibo belive, njengobe nami ngingesiye walelive.

Johane 17:18

Njengobe nawe wangitfumela eveni, nami ngibatfumela eveni.

Johane 17:21

Ngithandazela kutsi babe munye bonkhe, njengaloku wena, Babe, ukimi, nami ngikuwe, kuze kutsi nabo babe kitsi, khona live litawukholwa kutsi ngitfunywe nguwe.

Johane 17:23

mine ngikubo, nawe ukimi, bapheleliswe ebunyeni, kuze live lati kutsi wangitfuma nekutsi nabo uyabatsandza, njengobe nami wangitsandza.

Johane 17:3

Kuphila lokuphakadze nguloku: kutsi bakwati wena, Nkulunkulu longuye yedvwa weliciniso, bamati naJesu Khristu lomtfumile.

Johane 3:17

Ngobe Nkulunkulu akazange atfumele iNdvodzana yakhe emhlabeni kutsi itewulahla live ngelicala, kodvwa kwekutsi live litewusindziswa ngayo.

Johane 3:33

Lowemukela bufakazi bakhe ulubekile luphawu lwekutsi: Nkulunkulu ucinisile.

Johane 6:68

Simoni Phetro wamphendvula watsi: “Nkhosi, singasuka kuwe siyephi? Ngobe emavi ekuphila lokuphakadze akuwe.

Johane 8:42

Jesu watsi kubo: “Kube Nkulunkulu abenguYihlo, ngabe niyangitsandza mine, ngobe ngefika ngiphuma kuNkulunkulu. Angikamane ngatitela nje, kepha ngitfunywe nguye.

1 kubaseKorinthe 11:23

Ngobe mine ngakwemukela eNkhosini loko lenganinika kona, kutsi iNkhosi Jesu ngalobo busuku latsengiswa ngabo, watsatsa sinkhwa,

1 kubaseKorinthe 15:1

Manje-ke, bazalwane, nginikhumbuta liVangeli lenganishumayela lona nalemukela namanje niseme kulo.

Dutheronomi 18:18

Ngiyawubavusela umphrofethi lofanana nawe emkhatsini wabomnakabo. Ngiyawufaka emavi ami emlonyeni wakhe, uyawube sewubatjela konkhe loko lengimyala ngako.

1 kubaseThesalonika 2:13

Ngako-ke sibonga Nkulunkulu singakhawuli ngekutsi natsi nanemukela livi laNkulunkulu lenaliva kitsi, nalemukela, hhayi njengelivi lemuntfu nje kodvwa njengobe linjalo lilivi laNkulunkulu lelisebenta kini nine lenikholwako.

1 kubaseThesalonika 4:1

Bazalwane betfu, nafundza kitsi kutsi nifanele nitiphatse njani kuze nijabulise Nkulunkulu, njengobe besenivele nenta. Ngako-ke ngephetsa ngekunincenga kutsi nichubeke nikhutsale kakhulu kukwenta loko,

1 yaJohane 4:14

Tsine sitibonele, sifakaza kutsi uYise utfumele iNdvodzana yakhe kutsi itewuba nguMsindzisi welive.

Sembulo 1:1

Lesi Sembulo saJesu Khristu, lasiniketwa nguNkulunkulu kutsi akhombise tinceku takhe loko lokufanele kwenteke masinyane. Letintfo watembula ngekutfumela ingilosi yakhe encekwini yakhe lenguJohane.