Johane 16:22 - Siswati 1996 Bible

²² Kunjalo-ke nakini, kwamanje niselusizini, kodvwa ngitawuphindze nginibone futsi, tinhlitiyo tenu tiyawujabula kakhulu. Kute futsi umuntfu loyakunemuka loko kujabula kwenu.

Johane 16:22 Referencias Cruzadas

Jobe 34:29

Kodvwa kube uthulile, ngubani labengamsola? Nakangafihla buso bakhe, ngubani longambona? Noko ubusa etikwemuntfu netive ngalokufananako,

Tihlabelelo 146:2

Simakadze ngiyawumdvumisa ngisaphila, ngihlabele kuNkulunkulu wami yonkhe imphilo yami.

Tihlabelelo 33:21

Inhlitiyo yetfu ijabula kuye, ngobe setsembele egameni lakhe lelingcwele.

Isaya 25:9

Ngalelo langa bayakutsi: “Ngempela, lona nguNkulunkulu wetfu, besetsembela kuye, naye wasisindzisa. Lona nguSimakadze lebesetsembele kuye; asijabule sitfokote ngensindziso yakhe.”

Jeremiya 31:12

Bayawufika bamemete ngenjabulo eticongweni tentsaba yaseSiyoni; bayawutfokota ngekwephana kwaSimakadze: lokusatinhlavu, neliwayini lelisha, nemafutsa, nemazinyane emihlambi yetimvu netimbuti, nemankhonyane emihlambi yetinkhomo. Bayawufanana nengadze leniselwa kahle, bangeke baphindze babe lusizi.

Matewu 28:8

Base basheshe bayesuka ethuneni, ngobe babesaba, kantsi futsi babejabule kakhulu, bagijima bayawutjela bafundzi bakhe.

Lukha 10:42

kodvwa yinye kuphela ledzingekile. Mariya ukhetse intfo lengiyo sibili, kunjalo nje angeke ayemukwe ngumuntfu leyo ntfo.”

Lukha 16:25

“Kodvwa Abrahama watsi: ‘Khumbula, ndvodzana yami, kutsi usaphila emhlabeni wanikwa konkhe lokuhle, kepha Lazaro abenikwe lokubi kodvwa. Sewuyajatjuliswa-ke lapha, kantsi wena sewusekuhluphekeni.

Lukha 19:26

Wabaphendvula watsi: ‘Nginitjela kutsi: Ngulowo lonako, uyakwengetelwa; kodvwa lowo longenalutfo, uyakwemukwa naloko lokuncane lanako.

Lukha 24:41

Bajinge bangete bakholwa, ngobe babejabulile, bamangele kakhulu; ngako wase uyababuta utsi: “Kukhona yini lokudliwako lapha?”

Johane 14:1

“Inhlitiyo yenu ingakhatsateki, kholwani nguNkulunkulu nikholwe nangimi.

Johane 14:19

Kodvwa sekusele sikhashana live lingabe lisangibona, noko nine niyawungibona, ngobe mine ngiphila, nani futsi niyawuphila.

Johane 14:27

“Nginishiya nekuthula. Lokuthula lenginipha kona akufanani nesipho selive. Tinhlitiyo tenu tingabokhatsateka futsi tingesabi.

Johane 16:16

“Kusetawuba sikhashana nje ningabe nisangibona; kantsi futsi emvakwesikhashana nitawuphindze ningibone.”

Johane 16:20

Ngicinisile, ngicinisile, ngitsi kini: Nitawukhala, nilile, kodvwa live litawujabula. Niyawuba nelusizi, noko lusizi lwenu luyawugucuka lube yinjabulo.

Johane 16:6

Kodvwa njengobe senginitjelile nje, tinhlitiyo tenu setilusizi.

Johane 21:7

Lomfundzi labetsandvwa nguJesu watsi kuPhetro: “YiNkhosi!” Simoni Phetro neva kutsi yiNkhosi, waphutfuma timphahla takhe, wembatsa, (phela abekhumulele kusebenta angcunu,) wase ugcumkela emantini.

Johane 4:14

Kepha lowo loyawunatsa emanti lengiyawumnika wona, angeke aphindze ome naphakadze; ngobe emanti lengiyawumnika wona, ekhatsi kuye ayawuba ngumtfombo wemanti laphuphumako, kube kuphila lokuphakadze.”

Imisebenti yebaPhostoli 13:52

Bafundzi base-Antiyokhi bagcwala kujabula naMoya Longcwele.

Imisebenti yebaPhostoli 16:25

Kwatsi ekhatsi nebusuku boPawula naSilasi bathandaza bahlabela tingoma tekudvumisa Nkulunkulu, tiboshwa letinye tatibalalele.

Imisebenti yebaPhostoli 2:46

Onkhe emalanga babecinisela njalo ekuhlanganeni ethempelini, banhlitiyonye, babevakashelana emakhaya, badle ndzawonye ngetinhlitiyo letijabulako naletitfobekile,

Imisebenti yebaPhostoli 5:41

Baphostoli balishiya Liqoqo, batfokota kakhulu ngekwetfwala lihlazo ngenca yelibito laJesu.

2 kubaseKorinthe 6:10

Siviswa buhlungu, kodvwa sitfokota njalonjalo. Siphuyile, kodvwa banyenti lesibanjingisako. Asinalutfo, kodvwa sinako konkhe.

2 kubaseThesalonika 2:16

Shangatsi Jesu Khristu iNkhosi yetfu matfupha, naNkulunkulu, longuBabe lowasitsandza, kwatsi ngemusa wakhe wasikhutsata ngendvudvuto yaphakadze, wasipha nelitsemba lelihle,

KumaHebheru 10:34

Naba nesihawu kulabo bebaboshiwe, nacinisela ngekujabula nanemukwa timphahla tenu, ngobe nanati kutsi nine ninalokuncono lokukhonsako.

KumaHebheru 6:18

Ngako-ke Nkulunkulu wasebentisa tintfo letimbili langeke agucuke kuto: setsembiso nesifungo. Tsine-ke lesesitfole kuphepha kuye kufanele sibe nekukhutsatela lokukhulu, siphutfume lelitsemba leselibekwe embikwetfu.

1 yaPhetro 1:8

Niyamtsandza, nome ningazange senimbone; niyakholwa kuye nome ningakamboni, futsi nitfokota ngenjabulo lengenawuchazeka ngemavi emlomo,