Johane 16:21 - Siswati 1996 Bible

²¹ Nangabe umfati asatawubeleka, ubaselusizini, ngobe sikhatsi sebuhlungu sesifikile. Kodvwa nasambelekile umntfwana, ubukhohlwa bonkhe lobo buhlungu, ngobe ujatjuliswa kutalwa kwemntfwana.

Johane 16:21 Referencias Cruzadas

Genesisi 3:16

Watsi kumfati: “Ngitakwandzisa buhlungu ekukhulelweni kwakho, bube bukhulu kakhulu; uyawutala bantfwana kabuhlungu. Kufisa kwakho kuyawubasendvodzeni yakho, yona iyakukubusa.”

Jobe 11:16

Nakanjani, kuhlupheka kwakho utakukhohlwa, ukukhumbule njengemanti lake ageleta embikwakho,

Tihlabelelo 113:9

Inyumba uyipha umuti wayo, ayente ijabule ibe ngunina webantfwana. Haleluya, dvumisani Simakadze!

Isaya 13:8

kutfutfumela kubabambe, tinhlungu nekucacamba kubantfonye, bajilajileke njengemfati aphetfwe ngumhelo. Bayawubukana ngekumangala, buso babo buvutse emalangabi.

Isaya 21:3

Nginelusizi ngalombono lengiwubonile, buhlungu bungibambile, njengemhelo ufikela umfati nasatawubeleka. Kuyangetfusa loko lengikuvako, ngiyamangala ngaloko lengikubona ngemehlo ami.

Isaya 66:7

“Umfati uyabeleka yini angakahelwa? Angayitala yini indvodzana angakaze wahlaselwa ngiminjunju?

Mikha 4:10

Shumpani nibubule, bantfu baseJerusalema, nilingise umfati aphetfwe ngumhelo nasatawubeleka, ngobe nyalo senitawuphuma ekhaya niyewuhlala etigangeni. Nitakuya eBhabhulona; noko lapho niyawusindziswa, Simakadze uyakunephula etitseni tenu.

Mikha 4:9

Nikhalelani kakhulu kangaka? Yini nikhale nijilajile njengemfati aphetfwe ngumhelo? Kungobe anisenayo yini inkhosi, nebaholi benu sebafile yini?

KubaseGalathiya 4:27

Ngobe kubhaliwe kutsi: “Jabula, wena mfati loyinyumba, longatalanga mntfwana, jabula, nome ungahelwanga; ngobe lomfati losaliwakati unebantfwana labanyenti kunemfati loyintsandvokati.”

1 kubaseThesalonika 5:3

Ngesikhatsi bantfu batsi: “Kunekuthula nenhlalakahle,” ngekushesha lokukhulu kubhujiswa kuyawubatuma njengemhelo ufikela umfati nasatawubeleka; futsi kute loyawusindza.