Johane 15:25 - Siswati 1996 Bible

²⁵ Kodvwa noko, loko bekufanele kwenteke, kuze kutewugcwaliseka loko lokwabhalwa emtsetfweni wabo kwekutsi: ‘Bangitondza ngaphandle kwesizatfu.’

Johane 15:25 Referencias Cruzadas

Tihlabelelo 109:3

Bangitungeleta ngemavi enzondo, balwa nami ngaphandle kwesizatfu.

Tihlabelelo 35:19

Ungativumeli titsa tami, letingicambela emanga, kutsi titijabulise ngami. Ungabavumeli labangitondzela lite kutsi baficelane emehlo ngami, bangente inhlekisa.

Tihlabelelo 69:4

Banyenti kunetinwele tenhloko yami badlanga ngemandla labafuna kungibulala, labo labangitondza ngelite. Ngiphocelelwani kutsi ngikhishiswe intfo lengingakayebi?

Tihlabelelo 7:4

nangiphindzisele ngalokubi kumnganami, nome ngaphanga sitsa sami ngaphandle kwesono,

Matewu 10:8

Philisani labagulako, nivuse labafile, niphilise emalephelo, nikhiphe emadimoni. Nemukeliswe ngesihle, ngako-ke nani phanini ngesihle.

Lukha 24:44

Wase utsi kubo: “Ngito-ke letintfo lenganginitjela tona ngisenani, kutsi konkhe lokubhaliwe ngami emtsetfweni waMosi, nasemiBhalweni yebaphrofethi, naseTihlabelelweni bekufanele kugcwaliseke.”

Johane 10:34

Jesu wawaphendvula watsi: “Akukabhalwa yini emtsetfweni wenu kutsi: ‘Ngitsite nibonkulunkulu’?

Johane 13:18

“Angikhulumi ngani nonkhe; ngiyabati labo lengibakhetsile. Kodvwa kufanele kugcwaliseke umBhalo lotsi: ‘Lowo lodla sinkhwa sami, sewungigucukele, waphambana nami.’

Johane 19:36

Ngobe loko kwenteka kuze kugcwaliseke umBhalo lotsi: “Kute nobe linye litsambo lakhe leliyakwephulwa.”

KubaseRoma 3:19

Siyati kutsi konkhe lokusemtsetfweni kucondzene nalabo labangephansi kwawo, khona kutewuvinjwa tonkhe taba tebantfu, nemhlaba wonkhe utfolakale unelicala kuNkulunkulu.

KubaseRoma 3:24

Kodvwa ngesipho samahhala semusa waNkulunkulu bonkhe bentiwe bemukeleka kuye kutsi balungile ngekuhlengwa lokukuKhristu Jesu.

2 kubaseKorinthe 11:7

Ngona yini ngekunishumayela liVangeli laNkulunkulu mahhala, nangekutitfoba kuze niphakanyiswe nine?

KubaseGalathiya 2:21

Angiwenti lite umusa waNkulunkulu; ngobe nangabe kulunga kutfolakala ngekwenta lokufunwa ngumtsetfo, kusho kutsi Khristu wafela lite.

2 kubaseThesalonika 3:8

sasingadli sinkhwa semuntfu singakasikhokheli; kodvwa sasidla ngekukhandleka sishikashikeka imini nebusuku, kuze kutsi singasindzi ngisho namunye wenu.

Sembulo 21:6

Wase utsi kimi: “Sekwentekile. Mine ngingu-Alfa na-Omega, sicalo nesiphetfo. Lowo lowomile ngiyawumnika lilungelo lekunatsa mahhala emtfonjeni wemanti ekuphila.

Sembulo 22:17

Moya namakoti batsi: “Kota!” Wonkhe umuntfu lovako akatsi: “Kota!” Lowo lowomile akete; nalowo lofuna emanti ekuphila, akawanatse mahhala.