Johane 15:1 - Siswati 1996 Bible

¹ “Mine ngingumvini longuwo sibili. Babe ungumlimi.

Johane 15:1 Referencias Cruzadas

Ingoma Yetingoma 7:12

Asivuke ekuseni siye etivinini siyewubona kutsi tihlahla temivini atikadvumbi yini, nekutsi imidvumba yato seyichakazile yini, nekutsi emahananandza asabhahele yini wona, ngulapho-ke ngitakunikela khona lutsandvo lwami.

Isaya 4:2

Ngalelo langa Ligala laSimakadze liyawuba lihle likhatimule, netitselo talelo live tiyawuba ludvumo nebuhle betinsali taka-Israyeli.

Isaya 60:21

Lapho-ke bonkhe bantfu bakho bayawuba ngulabalungile, bayawuba banikati belive kokuphela. Bangimiliba lengiyihlanyele, umsebenti wetandla tami, wekubonakalisa inkhatimulo yami.

Isaya 61:3

labakhala eSiyoni babonelelwe, banikwe umchele webuhle esikhundleni semlotsa, banikwe nemafutsa enjabulo esikhundleni sesililo, banikwe ingubo yekudvumisa esikhundleni semoya lodzabukile. Bayawubitwa ngekutsi batihlahla tekulunga, letihlanyelwe nguSimakadze, kuze kubonakaliswe inkhatimulo yakhe.

Jeremiya 12:10

Belusi labanyenti bayawubhubhisa sivini sami, bagcobagcobe insimi yami. Batayigucula insimi yami lenhle, bayente umhlaba losigagadvu.

Jeremiya 2:21

Bengikuhlanyele njengemvini welikhetselo, weluhlobo lolucinile nalolwetsembekile. Pho, ungigucukele kanjani lokutsi bese uba ngumvini lokhohlakele longewesiganga?

Hezekeli 19:10

“ ‘Unyoko abefanana nesihlahla semvini esivinini, sihlahla lesasihlanyelwe ngasemantini; sasitsela kakhulu futsi sinemagala laluhlata, ngenca yalamanti lamanyenti.

Hoseya 10:1

Israyeli abengumvini lowenabako watitselela yena titselo. Satsi sitselo sakhe sisandza, wakha emalati lamanye; latsi live lakhe lisatfutfuka, wahlobisa ematje akhe lakhontwako.

Zakhariya 3:8

“ ‘Lalela, wena mPhristi Lomkhulu Jeshuwa, kanye nalabo bangani bakho labahleti embikwakho, labangemadvodza lasibonakaliso setintfo letitako: Ngitawuletsa inceku yami, Ligala.

Matewu 15:13

Jesu waphendvula watsi: “Sonkhe sitfombo lesingazange sihlanyelwe nguBabe losezulwini siyawuzishunwa.

Matewu 20:1

“Umbuso welizulu ufanana nemnikati wesivini, lowaphuma ekuseni ayawucasha emadvodza ekusebenta esivinini sakhe.

Matewu 21:33

“Lalelani nangu lomunye umfanekiso: Kwake kwaba khona umlimi labenelipulazi. Wahlanyela sivini, wasibiyela ngelutsango, wemba umgodzi wekuhlutela emagelebisi etjeni, wakha nendlwana lesetulu yekulindza, wase uyasicashisa lesivini. Yena-ke wase uyahamba uya khashane.

Makho 12:1

Jesu wacala wakhuluma kubo ngemifanekiso watsi: “Bekukhona lenye indvodza leyahlanyela sivini sayo, yase iyasibiyela, ekhatsi kwaso yemba umgodzi wekuhlutela emagelebisi etjeni, yakha nenyango yekulindza; yase icashisa ngaso kubacashi, yona yahamba yaya kulelinye live.

Lukha 13:6

Jesu wase ubatjela nankhu umfanekiso lotsi: “Lenye indvodza beyinesihlahla semkhiwa engadzeni yayo. Yaya kuyawufuna emakhiwa kulesihlahla, yakhandza kutsi kute.

Johane 1:17

Umtsetfo waniketwa ngaMosi; umusa neliciniso kwavela ngaJesu Khristu.

Johane 1:9

Kukhanya kweliciniso, lokukhanyisa wonkhe umuntfu, bekuseta emhlabeni.

Johane 15:2

Onkhe emagala lakimi langatseli titselo uyawajuba. Onkhe emagala latsela titselo uyawatsena, kuze atewutsela kakhulu.

Johane 6:32

Jesu watsi kubo: “Ngicinisile, ngicinisile, ngitsi kini: Bekungesiye Mosi lona lowanipha sinkhwa lesavela ezulwini, kepha Babe unipha sinkhwa sibili sivela ezulwini.

Johane 6:55

Ngobe inyama yami ikudla sibili, nengati yami isinatfo sibili.

KubaseRoma 11:17

Lamanye emagala ajutjwa, kwase kutsi endzaweni yawo kwahlunyeleliswa wena bewuligala lemncumo wesiganga, khona utewuba nenhlanganyelo emcebeni wemncumo wasekhaya.

1 kubaseKorinthe 3:9

Ngobe tsine sitisebenti nje taNkulunkulu letibambisene naye, nine niyinsimi yakhe. Nine futsi niyindlu yaNkulunkulu.

1 yaJohane 2:8

Noko nginibhalela umyalo lomusha, buciniso bawo lobubonakala kuJesu nakini, ngobe bumnyama buyendlula nekukhanya lokunguko sibili sekuvele kuyakhanya.