Johane 14:8 - Siswati 1996 Bible

⁸ Filiphu watsi kuye: “Nkhosi, sibonise uYihlo, sitakweneliseka.”

Johane 14:8 Referencias Cruzadas

Jobe 33:26

Uyathandaza kuNkulunkulu atfole umusa kuye; ubona buso baNkulunkulu ajabule aze amemete. Nkulunkulu umbuyisela esimeni sakhe sekulunga.

Tihlabelelo 17:15

Mine-ke ngiyawububona buso bakho, ngobe ngingulolungile, mhlazana ngivuka ngiyakweneliswa bukhona bakho.

Tihlabelelo 63:2

Ngikubonile wena endzaweni yakho lengcwele, ngawabona emandla akho nebukhosi bakho.

Matewu 5:8

Babusisiwe labahlantekile enhlitiyweni, ngobe bayawumbona Nkulunkulu.

Johane 1:48

Nathanayeli watsi kuye: “Ungatelaphi-ke wena?” Jesu watsi kuye: “Ngikubone ngesikhatsi uhleti ngaphansi kwesihlahla semkhiwa, Filiphu asengakefiki kutakubita.”

Johane 16:25

“Tonkhe letintfo senginitjele ngemifanekiso. Siyeta sikhatsi lapho ngingaseyiwukhuluma kini ngemifanekiso, kodvwa ngiyawuvele nginitjele ngaBabe ngalokukhanyako.